എന്റെ വിജയങ്ങള്‍ക്ക് പിന്നില്‍ ഭര്‍ത്താവാണ്; മനസ് തുറന്ന് നയന്‍താര

പ്രേക്ഷകര്‍ക്ക് ഏറെ പ്രിയങ്കരിയായ നടിയാണ് നയന്‍താര. തെന്നന്ത്യയിലെ എല്ലാ സൂപ്പര്‍സ്റ്റാരുകള്‍ക്ക് ഒപ്പവും അഭിനയിക്കാന്‍ താരത്തിന് സാധിച്ചിട്ടുണ്ട്. കണക്ട് ആണ് നയന്‍താരയുടെ ഒടുവില്‍ തിയറ്ററില്‍ എത്തിയിരിക്കുന്ന സിനിമ.

കഴിഞ്ഞ വര്‍ഷമായിരുന്നു നയന്‍താരയും വിഷ്‌നേഷ് ശിവനും തമ്മിലുള്ള വിവാഹം. അടുത്തിടെ സറോഗസിയിലൂടെ ഇവര്‍ക്ക് രണ്ട് ആണ്‍കുഞ്ഞുങ്ങള്‍ പിറക്കുകയും ചെയ്തിരുന്നു.

ഇപ്പോള്‍ തന്റെ ജീവിതത്തില്‍ ഭര്‍ത്താവ് നല്‍കുന്ന പിന്തുണയെക്കുറിച്ച് സംസാരിക്കുകയാണ് താരം. എല്ലാ ആണിന് പിന്നിലും ഒരു സ്ത്രീയുണ്ടാകുമെന്നാണ് നമ്മള്‍ കേള്‍ക്കാറ്. പക്ഷെ ഇന്ന് വിജയിക്കുന്ന, സന്തോഷകരമായിരിക്കുന്ന എല്ലാ സ്ത്രീകള്‍ക്ക് പിന്നിലും തീര്‍ച്ചയായും ഒരു പുരുഷനുണ്ട്. സിനിമ താന്‍ ഒരുപാട് വര്‍ഷങ്ങളായി ചെയ്യുന്നതാണ്. അതിനിടെയിലാണ് താന്‍ ഭര്‍ത്താവിനെ കണ്ടതും കല്യാണം കഴിച്ചതും എന്നും താരം പറയുന്നു.