എല്ലാവര്‍ക്കും വിവാഹം കഴിപ്പിച്ച് വിടാന്‍ ആവേശമാണ്, ശേഷം എന്തെങ്കിലും പ്രശ്‌നം വന്നാല്‍ ആരും ഉണ്ടാകില്ല: നിഖില വിമല്‍

അഭിനയ മികവുകൊണ്ടും അഭിപ്രായ പ്രകടനങ്ങള്‍കൊണ്ടും മലയാളികളുടെ പ്രിയപ്പെട്ട താരമായി മാറിയ നടിയാണ് നിഖില. മലയാളത്തിന് പുറമെ തമിഴ്, തെലുങ്ക് ഭാഷകളിലെ ചിത്രങ്ങളിലും നിഖില തന്റെ സ്ഥാനമറിയിച്ചു കഴിഞ്ഞു.

ഭാഗ്യദേവത എന്ന ജയറാം ചിത്രത്തിലൂടെയാണ് നിഖിലയുടെ സിനിമ അരങ്ങേറ്റം. ലവ് 24×7ല്‍ ദിലീപിന്റെ നായികയായി രണ്ടാമത്തെ ചിത്രം. പിന്നീടിങ്ങോട്ട് ശ്രദ്ധേയമായ ഒരുപിടി നല്ല വേഷങ്ങള്‍ മലയാളികള്‍ക്ക് സമ്മാനിച്ച് മോളിവുഡില്‍ നിഖില തന്റെ സ്ഥാനമുറപ്പിച്ചു.

ഇപ്പോള്‍ സ്ത്രീധനത്തെക്കുറിച്ച് സംസാരിച്ചിരിക്കുകയാണ് താരം. നമ്മുടെ നാട്ടില്‍ സ്ത്രീധനം വാങ്ങുന്നവരും ചോദിക്കുന്നവരും ഉണ്ടാകാം. ഒരു ജില്ലയുടെയോ നാട്ടുകാരുടെയോ പ്രശ്‌നമല്ല ഇത്. വ്യക്തികളുടെ പ്രശ്‌നമാണെന്ന് നിഖില പറയുന്നു. എല്ലാവര്‍ക്കും വിവാ?ഹം കഴിപ്പിച്ച് വിടാന്‍ ആവേശമാണെന്നും ശേഷം എന്തെങ്കിലും പ്രശ്‌നം വന്നാല്‍ ഇവരാരും ഉണ്ടാകില്ലെന്നും നിഖില പറയുന്നു.