അന്ന് ഞങ്ങളുടെ ജീവിതം കീഴ്‌മേല്‍ മറിഞ്ഞു: കനിഹ

ആരാധകര്‍ക്ക് ഏറെ പ്രിയങ്കരിയായ നടിയാണ് കനിഹ.സൂപ്പര്‍താരങ്ങളായ മമ്മൂട്ടി, മോഹന്‍ലാല്‍, സുരേഷ് ഗോപി, ജയറാം തുടങ്ങിയവരുടെയെല്ലാം നായികയായി അഭിനയിക്കാന്‍ കനിഹയ്ക്ക് ഭാഗ്യം ലഭിച്ചിട്ടുണ്ട്. ദിലീപിനൊപ്പവും കനിഹ അഭിനയിച്ചിട്ടുണ്ട്.

1982 ജൂലൈ മൂന്നിനാണ് കനിഹയുടെ ജനനം. പ്രായം നാല്‍പ്പത് കഴിഞ്ഞെങ്കിലും ലുക്കില്‍ ഇന്നും ആരാധകരെ ഞെട്ടിക്കുന്ന താരം കൂടിയാണ് കനിഹ.

ഇപ്പോള്‍ അമ്മയ്ക്ക് അര്‍ബുദം ബാധിച്ചതിനെക്കുറിച്ച് സംസാരിക്കുകയാണ് താരം. എന്റെ അമ്മ ഞങ്ങളോട് കാന്‍സര്‍ ബോധവത്കരണത്തെക്കുറിച്ച് ധാരാളം സംസാരിച്ചിരുന്നു. പെട്ടെന്നാണ് ഒരു ദിവസം അത് അമ്മയെ പിടികൂടുന്നത്. ഒരു ദിവസം സ്തനങ്ങളില്‍ വേദന തോന്നുവെന്ന് പറഞ്ഞ് എന്നെ വിളിച്ചു. ഉടനെ ഞങ്ങള്‍ ഹോസ്പിറ്റലില്‍ പോയി പല ടെസ്റ്റുകളും ചെയ്തു. ഒടുവില്‍ അമ്മയ്ക്ക് സ്തനാര്‍ബുദമാണെന്ന് കണ്ടെത്തി. അത് എനിക്ക് ശരിക്കും ഷോക്കായി. ദിവസങ്ങള്‍ക്കുള്ളില്‍ ഞങ്ങളുടെ ജീവിതം കീഴ്‌മേല്‍ മറിഞ്ഞു എന്നാണ് താരം പറയുന്നത്.