Varshangalkku Shesham
പ്രണവ് മോഹന്‍ലാല്‍, ധ്യാന്‍ ശ്രീനിവാസന്‍ എന്നിവരെ കേന്ദ്ര കഥാപാത്രങ്ങളാക്കി വിനീത് ശ്രീനിവാസന്‍ സംവിധാനം ചെയ്യുന്ന ‘വര്‍ഷങ്ങള്‍ക്ക് ശേഷം’ എന്ന സിനിമയുടെ ഫസ്റ്റ് ലുക്ക് പോസ്റ്റര്‍ പുറത്തിറക്കി. ചിത്രത്തിന്റെ ഷൂട്ടിങ് പൂര്‍ത്തിയായതിനു പിന്നാലെയാണ് പ്രണവും ധ്യാനും ഉള്ള ഫസ്റ്റ് ലുക്ക് പോസ്റ്റര്‍ പുറത്തുവിട്ടത്. എംജിആര്‍ രസികരായാണ് രണ്ട് പേരും ചിത്രത്തില്‍ അഭിനയിക്കുന്നത്. ഫസ്റ്റ് ലുക്ക് പോസ്റ്ററിലും എംജിആറിനെ കാണാം.
വിനീത് ശ്രീനിവാസന്‍ തന്നെയാണ് തിരക്കഥ ഒരുക്കിയിരിക്കുന്നത്. നിര്‍മാണം വൈശാഖ് സുബ്രഹ്‌മണ്യം. അജു വര്‍ഗീസ്, കല്യാണി പ്രിയദര്‍ശന്‍, ബേസില്‍ ജോസഫ്, നീരജ് മാധവ്, നീത പിള്ള, അര്‍ജുന്‍ ലാല്‍, ഷാന്‍ റഹ്‌മാന്‍ എന്നിവരും ചിത്രത്തില്‍ അഭിനയിക്കുന്നുണ്ട്. സംവിധായകന്‍ വിനീത് ശ്രീനിവാസനൊപ്പം സൂപ്പര്‍താരം നിവിന്‍ പോളിയും അതിഥി വേഷങ്ങളില്‍ എത്തുന്നുണ്ടെന്നാണ് റിപ്പോര്‍ട്ട്. അടുത്ത വര്‍ഷം ഏപ്രിലില്‍ ആയിരിക്കും ചിത്രത്തിന്റെ റിലീസ്.
അതേസമയം ഇത്തവണയും ചെന്നൈ തന്നെയാണ് വിനീത് ശ്രീനിവാസന്‍ ചിത്രത്തിന്റെ തട്ടകം. ചെന്നൈ പശ്ചാത്തലമാക്കി മുന്‍പും സിനിമകള്‍ ചെയ്തിട്ടുണ്ട് വിനീത്. ഇത്തവണയും ചെന്നൈ തന്നെയാണോ എന്ന് ഫസ്റ്റ് ലുക്ക് പോസ്റ്ററില്‍ ഒരു ആരാധകന്‍ ചോദിച്ചപ്പോള്‍ അതെ എന്നാണ് വിനീതിന്റെ മറുപടി.
സൗബിന്‍ ഷാഹിറും നവ്യ നായരും പ്രധാന വേഷത്തില്‍…
ഡോക്യുമെന്ററി വിവാദത്തിനിടെ ഒരേ ചടങ്ങില്‍ പങ്കെടുത്ത് നയന്‍താരയും…
വിനായകന്‍ നായകനായി എത്തുന്ന പെരുന്നാള്‍ എന്ന ചിത്രത്തിലേക്ക്…
അജിത് കുമാര്‍ നായകനായി പുറത്തിറങ്ങാന്‍ ഇരിക്കുന്ന ചിത്രമായ…
നയന്‍താരയെ 'ലേഡി സൂപ്പര്‍സ്റ്റാര്‍' എന്നു വിശേഷിപ്പിച്ച നടി…