അദ്ദേഹത്തിനൊപ്പം ജീവിച്ചതുകൊണ്ട് പലരും തെറ്റിദ്ധരിച്ചു: അഭയ

എന്നും വിമര്‍ശനങ്ങള്‍ വിടാതെ പിന്തുടരുന്ന താരമാണ് അഭയ ഹിരണ്‍മയി. ഡ്രസ്സിന്റെ പേരിലും സ്വന്തം സ്വകാര്യ ജീവിതത്തിന്റെ പേരിലും എല്ലാം വലിയ രീതിയിലുള്ള വിമര്‍ശനങ്ങളാണ് താരത്തിന് നേരിടേണ്ടി വരാറ്.

എന്നാല്‍ വിമര്‍ശനങ്ങളെ എല്ലാം ചിരിച്ച് തള്ളുന്ന താരമാണ് അഭയ. അതിനാല്‍ തന്നെ അതീവ ഗ്ലാമറസ് ചിത്രങ്ങള്‍ താരം എന്നും സോഷ്യല്‍ മീഡിയയില്‍ പങ്കുവെക്കാറുണ്ട്. അതുപോലെ ഗോപി സുന്ദരിനൊപ്പം ജീവിച്ചപ്പോള്‍ ഉണ്ടായ വിമര്‍ശനങ്ങളെയും ബ്രേക്കപ്പായപ്പോള്‍ ഉണ്ടായ വിമര്‍ശനങ്ങളെയും എല്ലാം താരം വളരെ കൂളായിട്ടാണ് നേരിട്ടത്.

ഇപ്പോള്‍ താന്‍ ആര്‍ക്ക് വേണ്ടിയും പാടാന്‍ തയ്യാറാണെന്ന് ഒരു തവണ കൂടി വ്യക്തമാക്കുകയാണ് അഭയ. ഞാന്‍ ഒരു മ്യൂസിക് കമ്പോസറിന്റെ കൂടെ ആയിരുന്നല്ലോ ജീവിച്ചുകൊണ്ടിരുന്നത്. ചിലപ്പോള്‍ ഞാന്‍ അദ്ദേഹത്തിനു വേണ്ടി മാത്രമേ പാടൂ എന്നൊരു ചിന്ത ആളുകള്‍ക്ക് ഉണ്ടായിക്കാണും, അറിയില്ല. എന്നെ ആര് വിളിച്ചാലും ഞാന്‍ പാടുമെന്ന് പലപ്പോഴും അഭിമുഖങ്ങളില്‍ ഉള്‍പ്പെടെ പറഞ്ഞിട്ടുണ്ട്. ഷാന്‍ റഹ്മാന്‍ ഒരിക്കല്‍ വിളിച്ച് പാടിച്ചിട്ടുണ്ട്. എം.ജയചന്ദ്രന്‍ സര്‍, വിളിക്കാം നമുക്ക് പാട്ട് ചെയ്യണം എന്നൊക്കെ പറയാറുണ്ട്. അവസരങ്ങള്‍ വരുമ്പോള്‍ എല്ലാവരും വിളിക്കുമായിരിക്കും എന്നാണ് താന്‍ പ്രതീക്ഷിക്കുന്നതെന്നും അഭയ അഭിമുഖത്തില്‍ പറഞ്ഞു.