ജീവിതം എന്താണെന്ന് അവനും അറിയണം; മകനെക്കുറിച്ച് നവ്യ

മലയാളികള്‍ക്ക് ഏറെ പ്രിയങ്കരിയായ നടിയാണ് നവ്യ നായര്‍. നന്ദനത്തിലെ ബാലാമണി എന്ന കഥാപാത്രത്തെ മലയാളികള്‍ക്ക് അത്ര പെട്ടെന്ന് മറക്കാന്‍ സാധിക്കില്ല. കാരണം അത്ര മനോഹരമായ അഭിനയമായിരുന്നു നവ്യാ നായര്‍ ചിത്രത്തില്‍ കാഴ്ച വെച്ചത്. അത് മാത്രമല്ല ഓര്‍ത്തുവയ്ക്കാന്‍ വേറെയും വേറിട്ട് നില്‍ക്കുന്ന നവ്യയുടെ ഒരുപാട് കഥാപാത്രങ്ങള്‍ വേറെയുമുണ്ട്.

ദിലീപ് നായകനായ ഇഷ്ടം എന്ന ചിത്രത്തിലൂടെയാണ് നവ്യ സിനിമയിലേക്ക് എത്തിയത്. പിന്നീട് ഒരു പിടി നല്ല കഥാപാത്രങ്ങളാണ് താരത്തെ തേടിയെത്തിയത്. കല്യാണത്തിനു ശേഷം അഭിനയത്തില്‍ നിന്നും വിട്ടുനിന്നെങ്കിലും ഇപ്പോള്‍ താരം തിരിച്ചെത്തിയിരിക്കുകയാണ്.

ഇപ്പോള്‍ മകനെക്കുറിച്ച് സംസാരിക്കുകയാണ് നവ്യ നായര്‍. ഗാന്ധി ഭവനിലെ പരിപാടിക്കിടെയാണ് നവ്യ സംസാരിച്ചത്. ഇടക്കിടക്ക് ഞാന്‍ എന്റെ മോനോട് പറഞ്ഞുകൊടുക്കും, ഇത്തരത്തിലുള്ള സ്ഥലങ്ങളില്‍ പോകണമെന്ന്. എന്നാലാണ് നിനക്ക് എന്തൊക്കെയാണ് ഈശ്വരന്‍ തന്നിരിക്കുന്നത് എന്ന് അറിയൂ എന്ന്. ജീവിതം എന്താണെന്ന് അറിഞ്ഞ് തന്നെയാണ് താന്‍ മകനെ വളര്‍ത്തുന്നത് എന്നും താരം പറയുന്നു.