ചെയ്യാനും പറയാനുമുള്ളത് ചെയ്യുക, വിമര്‍ശനങ്ങളെ തള്ളിക്കളയണം: വീണ നന്ദകുമാര്‍

കെട്ട്യോളാണെന്റെ മാലാഖ എന്ന സിനമയിലൂടെ സ്ലീവാച്ചന്റെ ഭാര്യയായി മലയാളികളുടെ മനം കവര്‍ന്ന താരമാണ് വീണ നന്ദകുമാര്‍. തലയില്‍ നിറയെ മുടിയുമായി എത്തിയ മലയാളിത്തമുള്ള ഒരു നടി. അഭിനയം കൊണ്ടും സൗന്ദര്യം കൊണ്ടും മലയാളികള്‍ വീണയെ ഇരു കയ്യും നീട്ടി സ്വീകരിച്ചു.

സോഷ്യല്‍ മീഡിയയില്‍ സജീവമായ താരം എന്നും ആരാധകര്‍ക്കായി ചിത്രങ്ങള്‍ പങ്കുവെക്കാറുണ്ട്. സോഷ്യല്‍മീഡിയയില്‍ നിരവധിപ്പേരാണ് താരത്തെ ഫോളോ ചെയ്യുന്നത്.

ഇപ്പോള്‍ വിമര്‍ശനങ്ങളെക്കുറിച്ച് സംസാരിക്കുകയാണ് താരം. സോഷ്യല്‍ മീഡിയയിലെ വിമര്‍ശനങ്ങളെക്കുറിച്ചും വീണ സംസാരിക്കുന്നുണ്ട്. വളരെ വലിയ വിമര്‍ശനങ്ങള്‍ ഞാന്‍ നേരിട്ടിട്ടില്ല. എങ്കിലും നമ്മള്‍ ചെയ്യാനും പറയാനും ഉള്ളത് ചെയ്യുകയും പറയുകയും തന്നെ വേണം. ആളുകള്‍ അതിനെ വിമര്‍ശിക്കും. അതിനെ തള്ളിക്കളയാന്‍ കഴിയണമെന്നാണ് വീണ പറയുന്നത്.