പണ്ട് സീരിയലിന് എതിരെ അച്ഛന്‍ ഫൈറ്റ് ചെയ്തു, ഇപ്പോള്‍ വീട്ടിലിരുന്ന് നിരന്തരം സീരിയല്‍ കാണുന്നു: ധ്യാന്‍

ആരാധകര്‍ക്ക് ഏറെ പ്രിയപ്പെട്ട താരകുടുംബമാണ് ശ്രീനിവാസന്റേത്. അച്ഛന്റെ പാത പിന്തുടര്‍ന്ന് മക്കളാണ് വിനീതും ധ്യാനും സിനിമാ രംഗത്ത് സജീവമാണ്. ശ്രീനിവാസനെപ്പോലെ തന്നെ സകലകലാവല്ലഭനാണ് വിനീത്. ഗായകന്‍, നടന്‍, സംവിധായകന്‍ എന്നീ നിലകളില്‍ എല്ലാം താരം കഴിവ് തെളിയിച്ച് കഴിഞ്ഞു.

ധ്യാന്‍ ശ്രീനിവാസനും ഒട്ടും മോശക്കാരനല്ല. ധ്യാനിന്റെ ഇന്റര്‍വ്യൂകളെല്ലാം വലിയ ഹിറ്റാകാറുണ്ട്. വലിയ രീതിയിലുള്ള പിന്തുണയാണ് ധ്യാനിന്റെ എല്ലാ ഇന്റര്‍വ്യൂകള്‍ക്കും കിട്ടാറ്. എല്ലാ കാര്യങ്ങളും ഒട്ടും മടികൂടാതെ ആരാധകര്‍ക്ക് മുന്നില്‍ തുറന്ന് പറയുന്ന പ്രകൃതമാണ് ധ്യാനിന്റേത്.

ഇപ്പോള്‍ അച്ഛനെക്കുറിച്ച് പറയുകയാണ് താരം. സീരിയലുകള്‍ കാണാറുണ്ടോ എന്ന അവതാരകയുടെ ചോദ്യത്തിന് മറുപടി പറയവെയാണ് താരം അച്ഛനെക്കുറിച്ച് സംസാരിച്ചത്. ഇനി മുതല്‍ സീരിയലുകള്‍ കാണാം. അച്ഛന്‍ ഇപ്പോള്‍ സീരിയലുകള്‍ കാണാറുണ്ട്. പണ്ട് സീരിയലിന് എതിരെ അച്ഛന്‍ ഫൈറ്റ് ചെയ്തിരുന്നു എന്നാല്‍ ഇപ്പോള്‍ വീട്ടിലിരുന്ന് നിരന്തരം സീരിയല്‍ കാണുകയാണ്, എന്നാണ് ധ്യാന്‍ ശ്രീനിവാസന്‍ പറഞ്ഞത്.