Jayaram and Parvathy
മലയാളികളുടെ എക്കാലത്തെയും പ്രിയപ്പെട്ട നായിക നടിമാരിൽ ഒരാളാണ് പാർവതി. തൊണ്ണൂറുകളിൽ മലയാള സിനിമയിൽ വെന്നിക്കൊടി പാറിച്ച ശേഷമാണ് പാർവതി ബിഗ് സ്ക്രീനിൽ നിന്നും ഇടവേളയെടുക്കുന്നത്. 1986ൽ വിവാഹിതരെ ഇതിലെ എന്ന ചിത്രത്തിലൂടെ അരങ്ങേറ്റം കുറിച്ച പാർവതി നിരവധി ഹിറ്റ് ചിത്രങ്ങളുടെ വിജയത്തിലും നിർണായക സ്വാധീനമായിരുന്നു. സൂപ്പർ താരങ്ങളുടെയെല്ലാം നായികയായി തിളങ്ങിയ പർവതി മോളിവുഡ് കണ്ട പ്രമുഖ സംവിധായകരുടെയെല്ലാം ആദ്യ ചോയിസുമായിരുന്നു. ജീവിത പങ്കാളിയായ ജയറാമിനൊപ്പം തൊട്ടതെല്ലാം പൊന്നാക്കാൻ സാധിച്ച പാർവതി 1993ൽ പുറത്തിറങ്ങിയ ചെങ്കോലിന് ശേഷമാണ് അഭിനയത്തിൽ നിന്നും വിട്ടുനിൽക്കുന്നത്. ഇപ്പോഴിത് താരം തിരിച്ചുവരുമെന്ന് സൂചന നൽകിയിരിക്കുകയാണ് മകനും അഭിനേതാവുമായ കാളിദാസ് ജയറാം.
അമ്മയോട് അഭിനയിക്കണമെന്ന് പറയാറുണ്ടെന്നും നല്ലൊരു സിനിമ വന്നാൽ അമ്മ ചെയ്യുമെന്നും അമ്മയുടെ കൂടെ സിനിമ ചെയ്യാൻ തനിക്ക് ആഗ്രഹമുണ്ടെന്നും കാളിദാസ് വ്യക്തമാക്കി. അതേസമയം അഭിനയത്തേക്കാൾ വീട്ടുകാര്യങ്ങളിലാണ് പാർവതിക്ക് ഇപ്പോൾ കൂടുതൽ താൽപര്യമെന്നും കാളിദാസ് കൂട്ടിച്ചേർത്തു. പുതിയ ചിത്രമായ രജനിയുടെ പ്രമോഷന്റെ ഭാഗമായി മൂവി വേൾഡ് മീഡിയക്ക് നൽകിയ അഭിമുഖത്തിലാണ് കാളിദാസ് മനസ് തുറന്നത്.
“അമ്മയോട് അഭിനയിക്കണമെന്ന് ഞങ്ങൾ പറഞ്ഞിട്ടുണ്ട്. അമ്മയ്ക്ക് നല്ലൊരു സിനിമ വന്നാൽ ചെയ്യണമെന്ന് ആഗ്രഹമുണ്ട്. പക്ഷെ അമ്മയ്ക്ക് ഇഷ്ടം നമ്മുടെ കൂടെ തന്നെ വീട്ടിലിരിക്കുക, ചില്‍ ചെയ്യുക അതൊക്കെയാണ്. ഞാനും കാത്തിരിക്കുകയാണ് അമ്മ സിനിമയില്‍ തിരിച്ചു വരുന്നത്. എനിക്ക് ഭയങ്കര ആഗ്രഹമുണ്ട് അമ്മയുടെ കൂടെ ഒരു സിനിമ ചെയ്യണമെന്ന്. എപ്പോഴെങ്കിലും നടക്കും.” കാളിദാസ് പറഞ്ഞു.
സൗബിന്‍ ഷാഹിറും നവ്യ നായരും പ്രധാന വേഷത്തില്‍…
ഡോക്യുമെന്ററി വിവാദത്തിനിടെ ഒരേ ചടങ്ങില്‍ പങ്കെടുത്ത് നയന്‍താരയും…
വിനായകന്‍ നായകനായി എത്തുന്ന പെരുന്നാള്‍ എന്ന ചിത്രത്തിലേക്ക്…
അജിത് കുമാര്‍ നായകനായി പുറത്തിറങ്ങാന്‍ ഇരിക്കുന്ന ചിത്രമായ…
നയന്‍താരയെ 'ലേഡി സൂപ്പര്‍സ്റ്റാര്‍' എന്നു വിശേഷിപ്പിച്ച നടി…