സമ്പാദ്യമായി തനിക്ക് ഒന്നും ഇല്ല, വീടില്ല; മനസ് തുറന്ന് ആര്യ

ടെലിവിഷന്‍ അവതാരക, അഭിനയേത്രി എന്നീ നിലകളിലെല്ലാം എല്ലാവര്‍ക്കും പ്രിയപ്പെട്ട താരമാണ് ആര്യ ബാബു. ബഡായി ബംഗ്ലാവ് എന്ന ഏഷ്യാനെറ്റിലെ പരിപാടിയാണ് ആര്യയെ കൂടുതല്‍ ശ്രദ്ധേയമാക്കിയത്. പിന്നീട് ആര്യ ബഡായി എന്ന പേരില്‍ അറിയപ്പെടാന്‍ തുടങ്ങി.

മോഡലിംഗിലൂടെയാണ് ആര്യ അഭിനയ രംഗത്തേക്ക് എത്തുന്നത്. ജനപ്രിയ റിയാലിറ്റി ഷോയായ ബിഗ് ബോസ് മലയാളത്തിന്റെ രണ്ടാം പതിപ്പിലെ ഒരു മത്സരാര്‍ത്ഥി കൂടിയായിരുന്നു ആര്യ. താരത്തിന്റെ ബിഗ് ബോസിലെ പ്രകടനവും ഏറെ പ്രശംസ പിടിച്ചു പറ്റിയിരുന്നു.

ഇപ്പോള്‍ തനിക്ക് കാര്യമായി സമ്പാദ്യമില്ലെന്ന് പറയുകയാണ് ആര്യ. പതിനഞ്ച് വര്‍ഷമായി ഞാന്‍ ഈ ഫീല്‍ഡില്‍ എത്തിയിട്ട് ഒരു സേവിങ്‌സോ വീടോ എനിക്കില്ല. ആകെപ്പാടെ ഞാന്‍ വാങ്ങിയത് ഒരു കാര്‍ മാത്രമാണ്. അത് വളരെ അത്യാവശ്യമായതുകൊണ്ട് ഒരു വലിയ കാര്‍ വാങ്ങിച്ചു. അതും ഒരു വലിയ കുടുംബം ഉള്ളതുകൊണ്ട് മാത്രം എന്നും താരം പറയുന്നു.