വിവാദങ്ങളും വിമര്ശനങ്ങളും വരുമ്പോഴും കരിയറിലെ ജൈത്രയാത്ര തുടരുകയാണ് നയന്താര. സോഷ്യല് മീഡിയയിലെ ആക്ഷേപങ്ങളും, വിമര്ശനങ്ങളും അതിജീവിച്ചാണ് താരം തെന്നിന്ത്യന് ലേഡീസ് സൂപ്പര് സ്റ്റാറെന്ന പദവി സ്വന്തമാക്കിയത്. സിനിമാ രംഗത്തെ വര്ഷങ്ങളായുള്ള പരിചയ സമ്പത്തില് നിന്നും നടി പഠിച്ച പ്രധാന കാര്യം കുറ്റപ്പെടുത്തലുകളെ അവഗണിക്കുകയെന്നതാണ്.
സിനിമകളുടെ പ്രൊമോഷനുകള്ക്ക് വരാതെ സ്വന്തം ബിസിനസ് കാര്യങ്ങള്ക്ക് പൊതുവേദികളില് എത്തുന്നതാണ് നയന്താര ഇപ്പോള് നേരിടുന്ന പ്രധാന വിമര്ശനം. എന്നാല് വിമര്ശനം കടുത്തിട്ടും നോ പ്രൊമോഷന് പോളിസിയില് മാറ്റം വരുത്താന് നയന്താര തയ്യാറായില്ല. തന്റെ പുതിയ സ്കിന് കെയര് പ്രൊഡക്ടായ 9 സ്കിന് വിപണിയിലെത്തിക്കുന്നതിന്റെ തിരക്കുകളിലാണ് നടി. സിനിമാ, ബിസിനസ് തിരക്കുകള്ക്കൊപ്പം കുടുംബ ജീവിതത്തിനും നയന്താര സമയം കണ്ടെത്തുന്നു.
ഇരട്ടക്കുഞ്ഞുങ്ങളുടെ അമ്മയാണ് നയന്താര. കുഞ്ഞുങ്ങളുടെ കാര്യവും കരിയറിലെ തിരക്കുകളുമെല്ലാം നയന്താരയ്ക്ക് എങ്ങനെ കൈകാര്യം ചെയ്യാന് പറ്റുന്നെന്നാണ് ആരാധകരുടെ അത്ഭുതം. എല്ലെ ഇന്ത്യക്ക് നല്കിയ അഭിമുഖത്തില് ഇതേക്കുറിച്ച് മനസ് തുറക്കുകയാണ് നയന്താര.
ജീവിതം നല്ല രീതിയില് ബാലന്സ് ചെയ്യുന്ന ശക്തരായ സ്ത്രീകള് തനിക്ക് ചുറ്റുമുണ്ട്. അമ്മയായ ശേഷവും തന്റെ ഉള്ളിലെ തീ അണഞ്ഞിട്ടില്ല. പകരം എങ്ങനെ ജീവിതത്തിലെ ഓട്ടം കുറച്ച് ഒരു കേന്ദ്രം കണ്ടെത്താം, ജീവിതത്തിലെ ലളിതമായ കാര്യങ്ങള് ആസ്വദിക്കാം തുടങ്ങിയ വിലപ്പെട്ട പാഠങ്ങള് തനിക്ക് പകര്ന്ന് തരികയാണ് മാതൃത്വം ചെയ്തതെന്നും നയന്താര ചൂണ്ടിക്കാട്ടി.
സാരിയില് ആരാധകര്ക്കായി ചിത്രങ്ങള് പങ്കുവെച്ച് ഭാവന. ഇന്സ്റ്റഗ്രാമിലാണ്…
സാരിയില് ആരാധകര്ക്കായി ചിത്രങ്ങള് പങ്കുവെച്ച് അനാര്ക്കലി. ഇന്സ്റ്റഗ്രാമിലാണ്…
സാരിയില് ആരാധകര്ക്കായി ചിത്രങ്ങള് പങ്കുവെച്ച് ഗൗരി. ഇന്സ്റ്റഗ്രാമിലാണ്…
സാരിയില് ആരാധകര്ക്കായി ചിത്രങ്ങള് പങ്കുവെച്ച് ശ്വേത മേനോന്.…
സാരിയില് ആരാധകര്ക്കായി ചിത്രങ്ങള് പങ്കുവെച്ച് പ്രിയാമണി. ഇന്സ്റ്റഗ്രാമിലാണ്…
ആരാധകര്ക്കായി സ്റ്റൈലിഷ് ചിത്രങ്ങള് പങ്കുവെച്ച് നമിത പ്രമോദ്..…