നിങ്ങള്‍ക്ക് കടിക്കുന്നുണ്ടേല്‍ വീട്ടില്‍ ഇരിക്കുന്നവരെ പോയി ചൊറിയുക; മാസ് മറുപടിയുമായി ആര്യ

ടെലിവിഷന്‍ അവതാരക, അഭിനയേത്രി എന്നീ നിലകളിലെല്ലാം എല്ലാവര്‍ക്കും പ്രിയപ്പെട്ട താരമാണ് ആര്യ ബാബു. ബഡായി ബംഗ്ലാവ് എന്ന ഏഷ്യാനെറ്റിലെ പരിപാടിയാണ് ആര്യയെ കൂടുതല്‍ ശ്രദ്ധേയമാക്കിയത്. പിന്നീട് ആര്യ ബഡായി എന്ന പേരില്‍ അറിയപ്പെടാന്‍ തുടങ്ങി.

മോഡലിംഗിലൂടെയാണ് ആര്യ അഭിനയ രംഗത്തേക്ക് എത്തുന്നത്. ജനപ്രിയ റിയാലിറ്റി ഷോയായ ബിഗ് ബോസ് മലയാളത്തിന്റെ രണ്ടാം പതിപ്പിലെ ഒരു മത്സരാര്‍ത്ഥി കൂടിയായിരുന്നു ആര്യ. താരത്തിന്റെ ബിഗ് ബോസിലെ പ്രകടനവും ഏറെ പ്രശംസ പിടിച്ചു പറ്റിയിരുന്നു.

ഇപ്പോള്‍ സോഷ്യല്‍ മീഡിയയില്‍ തനിക്കെതിരെയുള്ള മോശം കമന്റിന് മാസ് മറുപടി നല്‍കിയിരിക്കുകയാണ് ആര്യ. ആര്യ പങ്കുവച്ചൊരു വീഡിയോയുടെ കമന്റില്‍ ഒരാള്‍ വന്ന് തെറി വിളിക്കുകയായിരുന്നു. അതിന്റെ സ്‌ക്രീന്‍ ഷോട്ട് പങ്കുവച്ചു കൊണ്ട് പ്രതികരിക്കുകയായിരുന്നു ആര്യ. സാര്‍ നിങ്ങള്‍ക്ക് കടിക്കുന്നുണ്ടേല്‍ ദയവായ് വീട്ടില്‍ ഇരിക്കുന്നവരെ പോയി ചൊറിയുക. എന്തിനാ വെറുതെ എന്റെ നെഞ്ചത്തു കേറാന്‍ വരുന്നത് എന്നായിരുന്നു ആര്യയുടെ മറുപടി.