ഇന്ന് ജന്മദിനം ആഘോഷിക്കുന്ന നടി അപര്‍ണ ബാലമുരളിയുടെ പ്രായം അറിയുമോ?

മലയാളികള്‍ക്ക് ഏറെ പ്രിയങ്കരിയായ നടിയാണ് അപര്‍ണ ബാലമുരളി. തൃശൂര്‍ സ്വദേശിനിയായ താരം ഇന്ന് ജന്മദിനം ആഘോഷിക്കുകയാണ്. താരത്തിന്റെ 28-ാം ജന്മദിനമാണ് ഇന്ന്. മികച്ച നടിക്കുള്ള ദേശീയ അവാര്‍ഡ് അടക്കം കരസ്ഥമാക്കിയിട്ടുള്ള അപര്‍ണ തമിഴിലും തിളങ്ങിയിട്ടുണ്ട്.

സുരരൈ പോട്ര് എന്ന ചിത്രത്തിലെ അഭിനയത്തിനു 2020 ലെ ദേശീയ അവാര്‍ഡ് വാങ്ങിയ താരമാണ് അപര്‍ണ. ചെറിയ പ്രായത്തില്‍ തന്നെ ദേശീയ അവാര്‍ഡ് നേടി മലയാളികളുടെ അഭിമാനമായിരിക്കുകയാണ് അപര്‍ണ. നടി, പിന്നണി ഗായിക, നര്‍ത്തകി എന്നീ നിലകളിലെല്ലാം ശ്രദ്ധിക്കപ്പെട്ട അപര്‍ണ തന്റെ 18-ാം വയസ്സിലാണ് അഭിനയ ലോകത്തേക്ക് എത്തിയത്.

ഒരു സെക്കന്റ് ക്ലാസ് യാത്ര, മഹേഷിന്റെ പ്രതികാരം, ഒരു മുത്തശി ഗഥ, സണ്‍ഡേ ഹോളിഡേ, തൃശിവപേരൂര്‍ ക്ലിപ്തം, കാമുകി, ബി ടെക്, അള്ള് രാമേന്ദ്രന്‍, സര്‍വ്വം താള മയം, സുരരൈ പോട്ര്, വീട്ട്‌ല വിശേഷം എന്നിവയാണ് അപര്‍ണയുടെ ശ്രദ്ധേയമായ ചിത്രങ്ങള്‍.