കടൽ ആസ്വാദിച്ച് ശാലിൻ സോയ

ആരാധകർക്കായി വീണ്ടും സ്റ്റൈലൻ ചിത്രങ്ങൾ പങ്കുവെച്ച് ശാലിൻ സോയ. മലയാള സിനിമയിലേക്ക് ബാലതാരമായി എത്തി ഇപ്പോൾ സംവിധായികയുടെ കുപ്പായം വരെ അണിഞ്ഞിരിക്കുന്ന ശാലിൻ സോയ ബഹുമുഖ പ്രതിഭയാണ്.

അഭിനയത്തിന് പുറമെ നർത്തകിയായും അവതാരികയായുമെല്ലാം തിളങ്ങാൻ അവർക്ക് സാധിച്ചിട്ടുള്ള ശാലിൻ സമൂഹ മാധ്യമങ്ങളിലും നിറ സാനിധ്യമാണ്. തന്റെ ഏറ്റവും പുതിയ വിശേഷങ്ങളെല്ലാം താരം ഇൻസ്റ്റാഗ്രാമിൽ പങ്കുവെക്കാറുണ്ട്. 

ടെലിവിഷൻ സീരിയലുകളിലൂടെയാണ് ശാലിന്റെ അഭിനയ അരങ്ങേറ്റം. ഓട്ടോഗ്രാഫ് എന്ന സീരിയലിലെ ദീപ റാണി ഏറെ ശ്രദ്ധിക്കപ്പെട്ട കഥാപാത്രമാണ്.

അവിടെ നിന്ന് സിനിമയിലേക്കുള്ള ദൂരം ഏറെ അകലെയല്ലായിരുന്നു താരത്തിന്. എൽസമ്മ എന്ന ആൺക്കുട്ടി, സ്വപ്ന സഞ്ചാരി, മാണിക്യകല്ല് തുടങ്ങിയ സിനിമകളിലൂടെ സിനിമയിലും താരം തന്റെ മികവ് തെളിയിച്ചു.

മല്ലു സിംഗിലെ പ്രകടനം മലയാള സിനിമ പ്രേക്ഷകർ ഏറ്റെടുത്തപ്പോൾ ശാലിൻ തന്റെ സ്ഥാനവും അവരുടെ മനസിൽ ഉറപ്പിച്ചു. ഒരു ഇടവേളയ്ക്ക് ശേഷം സംവിധായികയുടെ കുപ്പായമണിഞ്ഞാണ് ശാലിൻ തിരികെയെത്തിയത്.