വയസ് 50 ആയി, ഇനിയൊരു വിവാഹം വേണ്ട എന്ന് തീരുമാനമൊന്നും എടുത്തിട്ടില്ല: സുകന്യ

മമ്മൂട്ടി, മോഹന്‍ലാല്‍, ജയറാം എന്നിങ്ങനെ സൂപ്പര്‍താരങ്ങളുടെയെല്ലാം നായികയായി അഭിനയിച്ച താരമാണ് സുകന്യ. മലയാളത്തിലും തമിഴിലുമായി നിരവധി സിനിമകളില്‍ താരം അഭിനയിച്ചു. തന്റെ വ്യക്തി ജീവിതത്തെ കുറിച്ച് സുകന്യ പറഞ്ഞ വാക്കുകളാണ് ഇപ്പോള്‍ ശ്രദ്ധ നേടിയിരിക്കുന്നത്.

2002ല്‍ കരിയറില്‍ മികച്ച നിലയില്‍ നില്‍ക്കുന്ന സമയത്തായിരുന്നു സുകന്യയുടെ വിവാഹം. എന്നാല്‍ ശ്രീധര്‍ രാജഗോപാല്‍ എന്നയാളുമായുള്ള വിവാഹബന്ധം ഒരു വര്‍ഷം മാത്രമാണ് നീണ്ടുനിന്നത്. ഇപ്പോഴിതാ ഒരു തമിഴ് യൂട്യൂബ് ചാനലിന് നല്‍കിയ അഭിമുഖത്തില്‍ മനസ്സ് തുറന്നിരിക്കുകയാണ് താരം.

പുനര്‍വിവാഹം എന്നതിനെ പറ്റി ഇതുവരെയും ആലോചിച്ചിട്ടില്ലെന്ന് താരം പറയുന്നു. എന്നാല്‍ വീണ്ടുമൊരു വിവാഹം കഴിക്കില്ല എന്നൊരു തീരുമാനമെടുത്തിട്ടില്ല. എനിക്ക് 50 വയസ്സായി. ഇനി കല്യാണമെല്ലാം കഴിച്ച് കുട്ടികളൊക്കെ ആയാല്‍ തന്നെ ആ കുട്ടി എന്നെ അമ്മാ എന്ന് വിളിക്കുമോ അമ്മൂമ്മ എന്ന് വിളിക്കുമോ എന്നതെല്ലാം സംശയമുണ്ട്. വരുന്നത് വരട്ടെ വിവാഹം വേണ്ടെന്ന തീരുമാനം ഇപ്പോഴും എടുത്തിട്ടില്ല. സുകന്യ പറഞ്ഞു.