ഗണപതിയെ തൊട്ടപ്പോള്‍ അനുശ്രീ കലിപ്പായി; താരത്തിന്റെ വാക്കുകള്‍ കേട്ടോ?

ഗണപതി മിത്ത് വിവാദത്തില്‍ പ്രതികരിച്ച് നടി അനുശ്രീ. ഗണപതി കെട്ടുകഥയാണെന്നും മിത്താണെന്നും പറഞ്ഞാല്‍ സഹിക്കില്ലെന്നാണ് താരത്തിന്റെ വാക്കുകള്‍. പാലക്കാട് ഒറ്റപ്പാലത്ത് നടന്ന ഗണേശോത്സവത്തില്‍ പങ്കെടുത്ത് സംസാരിക്കുകയായിരുന്നു താരം.

‘ആരോ എവിടെയോ ഇരുന്ന് പറയുന്നു ഗണപതി ഒക്കെ കെട്ടുകഥയാണ്, ഗണപതി ഒക്കെ മിത്താണ്. നമ്മള്‍ സഹിക്കുമോ സഹിക്കില്ല. അണ്ണാറക്കണ്ണനും തന്നാലായത് എന്നു പറഞ്ഞതുപോലെ എന്റെ പ്രതിഷേധം, പ്രതികരണം അറിയിക്കാനുള്ള ഒരു സദസ്സായി, ഗണപതി എനിക്ക് അനുഗ്രഹിച്ചുതന്ന സദസ്സായി ഈ സദസ്സിനെ കാണുന്നു. ക്ഷണം ചോദിച്ചാണ് ഇങ്ങോട്ടു വന്നത്. ആദ്യമായിട്ടാണ് അങ്ങോട്ട് ക്ഷണം ചോദിച്ച് ഒരു പരിപാടിയില്‍ പങ്കെടുക്കുന്നത്,’ അനുശ്രീ പറഞ്ഞു.

കടുത്ത മതവിശ്വാസിയായ അനുശ്രീ നേരത്തെയും ഹൈന്ദവ വിശ്വാസങ്ങള്‍ക്കെതിരായ പ്രസ്താവനകളെ രൂക്ഷമായി വിമര്‍ശിച്ചിട്ടുണ്ട്.