Categories: Reviews

അത്ര ചിരിപ്പിക്കുന്നില്ല, എങ്കിലും ഒരു വട്ടം കാണാം; വോയ്‌സ് ഓഫ് സത്യനാഥന്‍ റിവ്യു

ആരാധകരുടെ പ്രതീക്ഷകള്‍ക്ക് തിരിച്ചടിയേകി റാഫി-ദിലീപ് കൂട്ടുകെട്ടില്‍ പിറന്ന ‘വോയ്സ് ഓഫ് സത്യനാഥന്‍’. എക്കാലത്തും കുടുംബ പ്രേക്ഷകര്‍ക്ക് ചിരിവിരുന്ന് സമ്മാനിച്ചിരുന്ന കൂട്ടുകെട്ടില്‍ നിന്ന് ഇത്തവണ പിറന്നത് ശരാശരിയില്‍ ഒതുങ്ങിയ ചിത്രം. തുടക്കം മുതല്‍ ഒടുക്കം വരെ പ്രേക്ഷകരെ പിടിച്ചിരുത്താന്‍ സിനിമയ്ക്ക് സാധിക്കുന്നില്ല. അഭിനേതാക്കളുടെ തരക്കേടില്ലാത്ത പ്രകടനത്തിനിടയിലും സിനിമയ്ക്ക് പ്രേക്ഷരെ തൃപ്തിപ്പെടുത്താന്‍ സാധിച്ചിട്ടില്ല.

സാധാരണക്കാരനായ സത്യനാഥന്‍ എന്നയാളുടെ കഥയാണ് സിനിമ പറയുന്നത്. ജോജു ജോര്‍ജ് അവതരിപ്പിക്കുന്ന ബാലന്‍ എന്ന കഥാപാത്രത്തിന്റെ ജീവിതം രക്ഷിക്കുന്നതിനു വേണ്ടി സത്യനാഥന്‍ നടത്തുന്ന പോരാട്ടങ്ങള്‍ നര്‍മ്മത്തിലും അല്‍പ്പം കാര്യഗൗരവത്തോടെയും പറഞ്ഞുവയ്ക്കുകയാണ് ചിത്രത്തില്‍.

പ്രതാപകാലത്തെ ദിലീപിന്റെ നിഴല്‍ പോലും ഇപ്പോള്‍ കാണാനില്ല എന്നതാണ് ഏറ്റവും വലിയ പോരായ്മ. ചിരിപ്പിക്കാന്‍ വേണ്ടി കൃത്രിമത്വം നിറഞ്ഞ കോമഡി രംഗങ്ങളാണ് കൂടുതലും സിനിമയില്‍ ഉള്‍ക്കൊള്ളിച്ചിരിക്കുന്നത്. അവിടെയെല്ലാം ദിലീപും റാഫിയും പ്രേക്ഷകരെ ചിരിപ്പിക്കാന്‍ കഴിയാതെ പരാജയപ്പെടുന്നുണ്ട്. കേശു ഈ വീടിന്റെ നാഥന്‍ എന്ന ചിത്രത്തിലെ പോലെ ദിലീപിന്റെ കഥാപാത്രം പ്രേക്ഷരെ മുഷിപ്പിക്കുകയാണ്.

ജോജു ജോര്‍ജിന്റെ രംഗങ്ങളാണ് സിനിമയില്‍ പ്രേക്ഷകരെ തൃപ്തിപ്പെടുത്തുന്ന പ്രധാന ഘടകം. തിയറ്റര്‍ വിട്ടിറങ്ങിയാലും മനസ്സില്‍ നിറഞ്ഞു നില്‍ക്കുന്ന കഥാപാത്രമാണ് ജോജുവിന്റെ ബാലന്‍. കഥാഗതിയില്‍ നിര്‍ണായക പങ്കാണ് ജോജുവിന്റെ കഥാപാത്രം വഹിക്കുന്നത്. സിദ്ദിഖ്, ജോണി ആന്റണി എന്നിവരുടെ കോംബിനേഷന്‍ സീനുകളും ചില്ലറ തമാശകളും പ്രേക്ഷകരെ രസിപ്പിക്കുന്നുണ്ട്. വീണാ നന്ദകുമാറിന്റെ പ്രകടനവും മികച്ചതാണ്. അനുപം ഖേര്‍ അതിഥി താരമായി എത്തുന്നുണ്ടെങ്കിലും വലിയ പ്രാധാന്യമൊന്നും ഈ കഥാപാത്രത്തിനില്ല.

അമിത പ്രതീക്ഷകളൊന്നും ഇല്ലാതെ കുടുംബസമേതം കണ്ടുകളയാവുന്ന ഒരു ചിത്രം മാത്രമാണ് വോയ്സ് ഓഫ് സത്യനാഥന്‍. ദിലീപ്-റാഫി കൂട്ടുകെട്ടില്‍ അമിത പ്രതീക്ഷയര്‍പ്പിച്ച് ടിക്കറ്റെടുത്താല്‍ നിരാശയായിരിക്കും ഫലം.

അനില മൂര്‍ത്തി

Recent Posts

പ്രണയ തകര്‍ച്ചയ്ക്ക് പിന്നാലെ പുതിയ ടാറ്റൂവുമായി മലൈക

ബോളിവുഡില്‍ ഏറെ ആരാധകരുള്ള താരമാണ് മലൈക അറോറ.…

14 hours ago

സല്‍മാന്‍ ഖാന് ഐശ്വര്യയെ മര്‍ദ്ദിച്ചു; താരം അത് മറച്ചുവെച്ചു

ഒരു കാലത്ത് ഗോസിപ്പ് കോളങ്ങളില്‍ നിറഞ്ഞുനിന്ന പേരായിരുന്നു…

14 hours ago

കവര് ആസ്വദിച്ച് അഹാന

കുമ്പളങ്ങിയിലെത്തി കവര് ആസ്വദിച്ച് അഹാന. ഇന്‍സ്റ്റഗ്രാമിലാണ് താരം…

14 hours ago

85 വയസിലും ജോലി ചെയ്യാന്‍ സാധിക്കണം; അത്തരത്തിലുള്ള ഫിറ്റ്‌നസാണ് തനിക്ക് വേണ്ടതെന്ന് കരീന കപൂര്‍

ബോളിവുഡിലെ എക്കാലത്തെയും പ്രിയപ്പെട്ട നടിയാണ് കരീന കപൂര്‍.…

14 hours ago

ഗര്‍ഭിണിയെക്കൂട്ടാതെയുള്ള യാത്രയാണോ? സിന്ധു കൃഷ്ണ പറയുന്നു

ആരാധകര്‍ക്ക് എന്നും ഏറെ പ്രിയപ്പെട്ടതാണ് നടന്‍ കൃഷ്ണ…

15 hours ago

ലക്ഷ്മി നക്ഷത്രയുമായി ബന്ധമില്ലേ? രേണു പറയുന്നു

വളരെ അവിചാരിതമായാണ് പ്രേക്ഷകരുടെ പ്രിയതാരം കൊല്ലം സുധി…

15 hours ago