Cerena
ബിഗ് ബോസ് മലയാളം സീസണ്‍ ഫൈവ് ആവേശകരമായ ക്ലൈമാക്സിലേക്ക് എത്തിയിരിക്കുകയാണ്. തീ പാറുന്ന പോരാട്ടങ്ങള്‍ക്കൊടുവില്‍ ആരാകും ബിഗ് ബോസ് സീസണ്‍ ഫൈവിന്റെ വിജയി എന്നറിയാന്‍ ഇനി മണിക്കൂറുകള്‍ മാത്രം. ജൂലൈ രണ്ട് ഞായറാഴ്ച വൈകിട്ട് ഏഴ് മുതലാണ് ഗ്രാന്‍ഡ് ഫിനാലെ. ഏഷ്യാനെറ്റിലും ഡിസ്നി പ്ലസ് ഹോട്ട് സ്റ്റാറിലും ഗ്രാന്‍ഡ് ഫിനാലെ സംപ്രേഷണം ചെയ്യും.
അന്തിമ വിജയിയെ കാത്തിരിക്കുന്ന പ്രേക്ഷകര്‍ക്ക് മുന്നിലേക്ക് മറ്റൊരു ട്വിസ്റ്റ് സമ്മാനിക്കുകയാണ് ബിഗ് ബോസ് ഇപ്പോള്‍. ഗ്രാന്‍ഡ് ഫിനാലെയുടെ തലേന്ന് ഒരു മത്സരാര്‍ഥിയെ കൂടി പുറത്താക്കിയിരിക്കുന്നു. ആറ് മത്സരാര്‍ഥികളാണ് ഗ്രാന്‍ഡ് ഫിനാലെയും കാത്ത് ബിഗ് ബോസ് വീട്ടില്‍ ഉള്ളത്. അഖില്‍ മാരാര്‍, ശോഭാ വിശ്വനാഥ്, ഷിജു അബ്ദുള്‍ റഷീദ്, ജുനൈസ് വി.പി, സെറീന ആന്‍ ജോണ്‍സണ്‍, റെനീഷ റഹ്മാന്‍ എന്നിവരാണ് ആറ് മത്സരാര്‍ഥികള്‍. ഇവരില്‍ ഒരാളാണ് ഇന്ന് എവിക്ട് ആയിരിക്കുന്നത്.
മോഹന്‍ലാല്‍ നേരിട്ട് ബിഗ് ബോസ് വീട്ടിലേക്ക് എത്തിയാണ് ഇന്നത്തെ അപ്രതീക്ഷിത എവിക്ഷന്‍. തനിക്കൊപ്പം ഒരാളെ കൂടി കൊണ്ടുപോകുമെന്ന് മോഹന്‍ലാല്‍ പറയുന്നതായി പ്രൊമോ വീഡിയോയില്‍ കേള്‍ക്കാം. സെറീനയാണ് ഗ്രാന്‍ഡ് ഫിനാലെയ്ക്ക് മണിക്കൂറുകള്‍ മാത്രം ശേഷിക്കെ ബിഗ് ബോസ് വീട്ടില്‍ നിന്ന് എവിക്ട് ആയിരിക്കുന്നതെന്നാണ് റിപ്പോര്‍ട്ട്. മോഹന്‍ലാലിനൊപ്പം സെറീനയും ഇന്ന് ബിഗ് ബോസ് വീട്ടില്‍ നിന്ന് ഇറങ്ങുമെന്നാണ് റിപ്പോര്‍ട്ട്.
നേരത്തെ ബിഗ് ബോസ് വീട്ടില്‍ നിന്ന് സെറീന എവിക്ട് ആയിരുന്നു. എന്നാല്‍ താരത്തെ സീക്രട്ട് റൂമിലേക്ക് മാറ്റുകയും പിന്നീട് തിരികെ കൊണ്ടുവരികയും ചെയ്തു. സൗന്ദര്യ മത്സരത്തില്‍ വിജയിച്ചാണ് സെറീന ബിഗ് ബോസ് ഷോയിലേക്ക് എത്തിയത്. ആദ്യം മുതല്‍ ഏറെ ശ്രദ്ധിക്കപ്പെട്ട ബിഗ് ബോസ് മത്സരാര്‍ഥിയായിരുന്നു സെറീന.
ഉണ്ണി മുകുന്ദന്‍ നായകനായി പുറത്തിറങ്ങാനിരിക്കുന്ന മാര്‍ക്കോയിലെ ഗാനത്തിനെതിരെ…
മലയാള സിനിമയില്‍ പ്രവര്‍ത്തിക്കുന്നവര്‍ക്ക് സുരക്ഷിതത്വമില്ലെന്ന് തുടര്‍ന്നടിച്ച് നടി…
രശ്മിക മന്ദാനയ്‌ക്കൊപ്പമിരുന്ന് ഭക്ഷണം കഴിക്കുന്ന വിജയ് ദേവരകൊണ്ടയുടെ…
തന്റെ ജീവിതത്തിലുണ്ടായ പ്രതിസന്ധി കാലഘട്ടത്തെക്കുറിച്ച് തുറന്ന് പറഞ്ഞ്…
ആരാധകര്‍ക്കായി പുതിയ ചിത്രങ്ങള്‍ പങ്കുവെച്ച് അപര്‍ണ തോമസ്.…
ബ്ലാക്ക് ഔട്ട്ഫിറ്റില്‍ ആരാധകര്‍ക്കായി ചിത്രങ്ങള്‍ പങ്കുവെച്ച് സ്രിന്റ.…