മാസ് ലുക്കില്‍ ജയറാം; ഇത്തവണ തിരിച്ചുവരവ് ഉറപ്പെന്ന് ആരാധകര്‍

ജയറാമിന്റെ തിരിച്ചുവരവിനായി കാത്തിരിക്കുകയാണ് മലയാള സിനിമാ ലോകം. മിഥുന്‍ മാനുവല്‍ തോമസ് സംവിധാനം ചെയ്യുന്ന ഓസ്ലര്‍ അബ്രഹാം ആണ് ജയറാമിന്റേതായി ഇപ്പോള്‍ ഷൂട്ടിങ് പുരോഗമിക്കുന്ന ചിത്രം. ഈ ചിത്രത്തിലൂടെ ജയറാം തിരിച്ചുവരുമെന്ന പ്രതീക്ഷയിലാണ് ആരാധകര്‍.

ഓസ്ലര്‍ അബ്രഹാമിന്റെ സെക്കന്റ് ലുക്ക് പോസ്റ്റര്‍ അണിയറ പ്രവര്‍ത്തകര്‍ പുറത്തുവിട്ടു. മാസ് ലുക്കിലാണ് ജയറാമിനെ ചിത്രത്തില്‍ കാണുന്നത്. പൊലീസ് ഓഫിസറായാണ് ജയറാം ചിത്രത്തില്‍ അഭിനയിക്കുന്നതെന്ന് നേരത്തെ വാര്‍ത്തകളുണ്ടായിരുന്നു. ജയറാമിന്റെ സോള്‍ട്ട് ആന്റ് പെപ്പര്‍ ലുക്ക് ഇതിനോടകം തന്നെ ശ്രദ്ധിക്കപ്പെട്ടു കഴിഞ്ഞു.

ഇന്‍വസ്റ്റിഗേഷന്‍ ത്രില്ലറായാണ് ഓസ്ലര്‍ എത്തുന്നത്. ജയറാമിന്റെ കഥാപാത്രത്തിന്റെ പേരാണ് ഓസ്ലര്‍ അബ്രഹാം. ഇര്‍ഷാദ് എം ഹസനും മിഥുന്‍ മാനുവല്‍ തോമസും ചേര്‍ന്നാണ് ചിത്രം നിര്‍മിച്ചിരിക്കുന്നത്.