വീണ്ടും കിടിലൻ ലുക്കിൽ നയൻതാര ചക്രവർത്തി

ബാലതാരമായി എത്തി മലയാളി സിനിമ പ്രേക്ഷകരുടെ മനസിൽ തന്റേതായ ഇടം നേടിയ താരമാണ് നയൻതാര ചക്രവർത്തി. ബാലതാരങ്ങളുടെ വളർച്ച എന്നും ഉറ്റുനോക്കുന്ന പ്രേക്ഷകരെ സംബന്ധിച്ചടുത്തോളം നയൻതാര ഇന്നും അവരുടെ പ്രിയപ്പെട്ട താരങ്ങളിലൊരാളാണ്.

ബാലതാരത്തിൽ നിന്ന് നായികയുടെ റോളിലേക്ക് മാറാനൊരുങ്ങുകയാണ് ഇപ്പോൾ നയൻതാര. ജെന്റിൽമാൻ 2 എന്ന ബ്രഹ്മാണ്ഡ ചിത്രത്തിലാണ് നയൻതാര ലീഡ് റോളിൽ അഭിനയിക്കുന്നത്.

ഒരു ഇടവേളയ്ക്ക് ശേഷമാണ് നയൻതാരയുടെ മടങ്ങി വരവ് എന്നത് പ്രതീക്ഷ വർധിപ്പിക്കുന്നതാണ്. എന്നാൽ ഈ വലിയ ഇടവേളയിലും സമൂഹ മാധ്യമങ്ങളിൽ താരം സജീവമായിരുന്നു.

തന്റെ വിശേഷങ്ങളെല്ലാം നയൻതാര ഇൻസ്റ്റാഗ്രാമിലൂടെ ആരാധകരുമായി പങ്കുവെക്കാറുണ്ടായിരുന്നു. ഇതോടൊപ്പം താരത്തിന്റെ ഫൊട്ടോഷൂട്ടുകൾക്കും നിരവധി ഫോളോവേഴ്സാണ് ഉള്ളത്.

2006ൽ കിലുക്കം കിലുകിലുക്കം എന്ന ചിത്രത്തിലൂടെയാണ് താരത്തിന്റെ സിനിമ അരങ്ങേറ്റം. കങ്കാരൂ, ട്രിവാൻഡ്രം ലോഡ്ജ് എന്നീ ചിത്രങ്ങളിലെ പ്രകടനം ഏറെ ശ്രദ്ധ നേടി.