തെന്നിന്ത്യൻ സിനിമ ലോകം ഏറെ ആകാംക്ഷയോടെ കാത്തിരിക്കുന്ന ലിയോയിൽ ദളപതി വിജയ്ക്കൊപ്പം കമൽ ഹാസനും. ആരാധകരെ ഏറെ ആവേശത്തിലാക്കുന്ന അപ്ഡേഷനാണ് ഇപ്പോൾ പുറത്തു വന്നിരിക്കുന്നത്. വിക്രത്തിന്റെ വമ്പൻ വിജയത്തിന് ശേഷമാണ് ലോകേഷ് കനകരാജ് ലോകേഷ് സിനിമാറ്റിക് യൂണിവേഴ്സിലെ അടുത്ത ചിത്രവുമായി എത്തുന്നത്. അതേസമയം റിലീസിനെ മുൻപെ കേരളത്തിൽ നിന്നും കോടികൾ വാരാമെന്ന പ്രതീക്ഷയിലാണ് ചിത്രത്തിന്റെ അണിയറ പ്രവർത്തകർ.
തമിഴ് സിനിമകളുടെ പ്രധാന മാർക്കറ്റുകളിലൊന്നായ കേരളത്തിൽ വിജയ് ആരാധകരുടെ എണ്ണവും വലുതാണ്. മലയാളികൾക്കിടയിൽ വിജയിയുടെ ജനപ്രീതിയും താരമൂല്യവും എപ്പോഴും വാർത്തയാകാറുമുണ്ട്. കേരളത്തില്‍ ഏറ്റവുമധികം തുക വിതരണാവകാശത്തില്‍ നേടിവരുന്നതും വിജയ് ചിത്രങ്ങളാണ്. ഇപ്പോഴിതാ വരാനിരിക്കുന്ന വിജയ് ചിത്രം ലിയോ കേരള റൈറ്റ്സില്‍ റെക്കോര്‍ഡ് ഇട്ടേക്കുമെന്നാണ് റിപ്പോര്‍ട്ടുകള്‍.
വിക്രം കേരളത്തില്‍ വന്‍ കളക്ഷനാണ് നേടിയത്. ഇത് മുന്‍കൂട്ടിക്കണ്ട് കേരള റൈറ്റ്സ് ഇനത്തില്‍ 15 കോടിയാണ് നിര്‍മ്മാതാക്കള്‍ ആവശ്യപ്പെടുന്നതെന്ന് നേരത്തേ റിപ്പോര്‍ട്ടുകള്‍ ഉണ്ടായിരുന്നു. ഇത് സംബന്ധിച്ച ചര്‍ച്ചകളില്‍ നിര്‍മ്മാതാക്കളുമായി കേരളത്തിലെ അഞ്ച് പ്രമുഖ വിതരണക്കമ്പനികള്‍ പങ്കെടുക്കുന്നുണ്ടെന്ന് പ്രമുഖ ട്രേഡ് അനലിസ്റ്റ് ആയ ശ്രീധര്‍ പിള്ള ട്വീറ്റ് ചെയ്തു. ഈ ചര്‍ച്ചകളില്‍ നിലവില്‍ മുന്നിലുള്ളത് ഗോകുലം ഗോപാലന്‍റെ ശ്രീ ഗോകുലം മൂവീസ് ആണെന്നും ശ്രീധര്‍ പിള്ള പറയുന്നു.
തൃഷ, സഞ്ജയ് ദത്ത്, അര്‍ജുന്‍, പ്രിയ ആനന്ദ്, മിഷ്‌കിന്‍, ഗൗതം മേനോന്‍, മണ്‍സൂര്‍ അലി ഖാന്‍ എന്നിവരടങ്ങുന്ന വമ്പന്‍ താരനിരയുമായാണ് ലിയോ എത്തുന്നത്. കമൽ ഹസൻ, വിജയ് സേതുപതി എന്നിവർ അതിഥി വേഷത്തിലെത്തുമെന്നും റിപ്പോര്‍ട്ടുകളുണ്ട്.
മലയാള സിനിമയില്‍ ഏറ്റവും കൂടുതല്‍ താരമൂല്യം ഉള്ള…
ബാലതാരമായി എത്തി ഇപ്പോഴും സിനിമയില്‍ സ്ഥിരസാന്നിധ്യമായ താരമാണ്…
ആരാധകര്‍ക്ക് ഏറെ പ്രിയങ്കരിയായ താരമാണ് പേളി മാണി.…
നടന്‍ ബാലയുടെ രണ്ടാം ഭാര്യയാണ് എലിസബത്ത്. ഒരു…
മലയാളത്തിലെ താരകുടുംബങ്ങളില്‍ ഇന്‍സ്റ്റാഗ്രാം കയ്യടക്കിവെച്ചിരിക്കുന്ന കുടുംബമാണ് നടന്‍…
ടെലിവിഷന്‍ അവതാരക, അഭിനയേത്രി എന്നീ നിലകളിലെല്ലാം എല്ലാവര്‍ക്കും…