മലൈക്കോട്ടൈ വാലിബനില്‍ മോഹന്‍ലാല്‍ ഇരട്ട വേഷത്തില്‍; ത്രില്ലടിച്ച് ആരാധകര്‍

ഒരിടവേളയ്ക്ക് ശേഷം സൂപ്പര്‍താരം മോഹന്‍ലാല്‍ ഇരട്ട വേഷത്തില്‍ അഭിനയിക്കുന്നു. ലിജോ ജോസ് പെല്ലിശ്ശേരി സംവിധാനം ചെയ്യുന്ന മലൈക്കോട്ടൈ വാലിബനിലാണ് മോഹന്‍ലാല്‍ ഇരട്ട വേഷത്തിലെത്തുക. വളരെ വ്യത്യസ്തമായ രണ്ട് ലുക്കുകളിലായിരിക്കും മോഹന്‍ലാല്‍ എത്തുകയെന്നും റിപ്പോര്‍ട്ടുകളുണ്ട്.

സിനിമയുടെ ചിത്രീകരണം ഉടന്‍ അവസാനിക്കുമെന്നാണ് വിവരം. ചെന്നൈയിലാണ് ഇപ്പോള്‍ ചിത്രീകരണം നടക്കുന്നത്. ക്രിസ്മസ് റിലീസ് ആയി ചിത്രം തിയറ്ററുകളിലെത്തിക്കാനാണ് അണിയറ പ്രവര്‍ത്തകരുടെ ആലോചന.

ആദ്യമായി മോഹന്‍ലാലും ലിജോ ജോസ് പെല്ലിശ്ശേരിയും ഒന്നിക്കുന്ന ചിത്രമാണ് മലൈക്കോട്ടൈ വാലിബന്‍. ഗുസ്തി പ്രമേയമാക്കിയാണ് ചിത്രം. മോഹന്‍ലാല്‍ ഗുസ്തിക്കാരനായി എത്തുന്ന ചിത്രം ആക്ഷന്‍ ഴോണറിലുള്ളതാണ്.