സിനിമാക്കാരാണോ ലഹരി കൊണ്ടുവന്നത്? പൊട്ടിത്തെറിച്ച് ഷൈന്‍

വേറിട്ട കഥാപാത്രങ്ങളിലൂടെ ശ്രദ്ധിക്കപ്പെട്ട നടനാണ് ഷൈന്‍ ടോം ചാക്കോ. മികച്ച അഭിനയത്തിനൊപ്പം നിരവധി വിവാദങ്ങളും താരത്തെ വാര്‍ത്തകളില്‍ സജീവമാക്കി നിര്‍ത്താറുണ്ട്.

ഏകദേശം 9 വര്‍ഷത്തോളം സംവിധായകന്‍ കമലിന്റെ അസിസ്റ്റന്റായി പ്രവര്‍ത്തിച്ച ശേഷം , ഗദ്ദാമ എന്ന ചിത്രത്തിലൂടെ അഭിനയരംഗത്തേക്ക് കടന്നു. ഈ അടുത്ത കാലം , ചാപ്‌റ്റേഴ്‌സ് , അന്നയും റസൂലും , മസാല റിപ്പബ്ലിക് എന്നിവയുള്‍പ്പെടെ നിരവധി ചിത്രങ്ങളില്‍ സഹകഥാപാത്രങ്ങളെ അവതരിപ്പിച്ച അദ്ദേഹം, ബിനു എസ് കാലടിയുടെ ഫാന്റസികോമഡി ചിത്രമായ ഇതിഹാസയില്‍ (2014) തന്റെ ആദ്യ നായക കഥാപാത്രത്തെ അവതരിപ്പിച്ചു.

ഇപ്പോള്‍ മാധ്യമങ്ങളോട് പൊട്ടിത്തെറിച്ചിരിക്കുകയാണ് ഷൈന്‍. ലഹരിയെക്കുറിച്ച് ചോദിച്ചപ്പോഴായിരുന്നു സംഭവം. സിനിമാക്കാരും ചെറുപ്പക്കാരുമാണോ ലഹരി കൊണ്ടുവന്നത് എന്നാണ് ദേഷ്യത്തോട് ഷൈന്‍ ചോദിച്ചത്.