ആ രണ്ട് സിനിമയുടേയും ബേസ് ഒന്നല്ലെ; അച്ഛനെ ട്രോളി ധ്യാന്‍

ആരാധകര്‍ക്ക് ഏറെ പ്രിയപ്പെട്ട താരകുടുംബമാണ് ശ്രീനിവാസന്റേത്. അച്ഛന്റെ പാത പിന്തുടര്‍ന്ന് മക്കളാണ് വിനീതും ധ്യാനും സിനിമാ രംഗത്ത് സജീവമാണ്. ശ്രീനിവാസനെപ്പോലെ തന്നെ സകലകലാവല്ലഭനാണ് വിനീത്. ഗായകന്‍, നടന്‍, സംവിധായകന്‍ എന്നീ നിലകളില്‍ എല്ലാം താരം കഴിവ് തെളിയിച്ച് കഴിഞ്ഞു.

ധ്യാന്‍ ശ്രീനിവാസനും ഒട്ടും മോശക്കാരനല്ല. ധ്യാനിന്റെ ഇന്റര്‍വ്യൂകളെല്ലാം വലിയ ഹിറ്റാകാറുണ്ട്. വലിയ രീതിയിലുള്ള പിന്തുണയാണ് ധ്യാനിന്റെ എല്ലാ ഇന്റര്‍വ്യൂകള്‍ക്കും കിട്ടാറ്. എല്ലാ കാര്യങ്ങളും ഒട്ടും മടികൂടാതെ ആരാധകര്‍ക്ക് മുന്നില്‍ തുറന്ന് പറയുന്ന പ്രകൃതമാണ് ധ്യാനിന്റേത്.

ഇപ്പോള്‍ അച്ഛനെ ട്രോളുകളുകയും ഒപ്പം പ്രശംസിക്കുകയും ചെയ്യുകയാണ് ധ്യാന്‍. അദ്ദേഹത്തിന്റെ സിനിമകളുടെ പലതിന്റേയും കഥ ഒന്നു തന്നെയാണ് എന്നാണ് ധ്യാന്‍ പറയുന്നത്. എന്നാല്‍ ഇതെല്ലാം വ്യത്യസ്ത സിനിമകളായി തോന്നുന്നതാണ് അച്ഛന്റെ വിജയമെന്നും ധ്യാന്‍ പറയുന്നു. മിഥുനം, വെള്ളാനകളുടെ നാട് ഈ സിനിമകളുടെയെല്ലാം ബേസ് ഒന്നാണ് എന്നും ധ്യാന്‍ പറയുന്നു.