ആരെങ്കിലും ഒന്നെടുത്ത് കൊണ്ടുപോയിരുന്നെങ്കില്‍ ഉറങ്ങാമായിരുന്നു എന്ന് തോന്നി; അമ്മമാരുടെ ത്യാഗത്തെക്കുറിച്ച് അശ്വതി

മലയാളികള്‍ക്ക് ഏറെ പ്രിയങ്കരിയായ അവതാരകയാണ് അശ്വതി ശ്രീകാന്ത്. ടെലിവിഷന്‍ ഷോകളിലൂടെയാണ് അശ്വതി ശ്രദ്ധിക്കപ്പെട്ടത്. മിനിസ്‌ക്രീനിലും താരം തിളങ്ങി. ചക്കപ്പഴം എന്ന സീരിയലിലെ അശ്വതിയുടെ അഭിനയം ഏറെ പ്രേക്ഷക പ്രശംസ നേടിയിരുന്നു. എഴുത്തുകാരി കൂടിയാണ് താരം.

റെഡ് എഫ്എം 93.5 ലൂടെയാണ് അശ്വതി കരിയര്‍ ആരംഭിച്ചത്. തന്റെ ആദ്യകാല സുഹൃത്തായ ശ്രീകാന്തിനെ 2012 ല്‍ അശ്വതി വിവാഹം കഴിച്ചു.

ഒരു വര്‍ഷം മുമ്പാണ് താരം വീണ്ടും ഒരു കുഞ്ഞിന് ജന്മം നല്‍കിയത്. ഇപ്പോള്‍ അമ്മമാരുടെ ത്യാഗത്തെക്കുറിച്ച് പറയുകയാണ് താരം. അമ്മയായിക്കഴിഞ്ഞാല്‍ ഏറ്റവും കൂടുതല്‍ നമുക്ക് ഫീല്‍ ചെയ്യുന്ന ഇമോഷന്‍ ഭയങ്കര സ്‌നേഹം ആയിരിക്കുമെന്നാണ് ഞാന്‍ വിചാരിച്ചിരുന്നത്. എന്നാല്‍ അത് മാത്രമല്ല എന്ന് തിരിച്ചറിഞ്ഞു. കുഞ്ഞുമായി കണക്ടാവാന്‍ ദിവസങ്ങളെടുത്തു. കുറച്ച് സമയം ആരെങ്കിലും ഒന്ന് എടുത്ത് കൊണ്ട് പോയിരുന്നെങ്കില്‍ എനിക്കൊന്ന് കിടന്ന് ഉറങ്ങാമായിരുന്നല്ലോ എന്ന് തോന്നിയ ദിവസങ്ങളുണ്ട് എന്നുമാണ് താരം പറയുന്നത്.