എന്റെ അഭിനയം ഡ്രമാറ്റിക്കാണെന്ന് പറഞ്ഞ് കരയിച്ചിട്ടുണ്ട്: ഗ്രേസ് ആന്റണി

കുമ്പളങ്ങി നൈറ്റ്‌സ് എന്ന സിനിമയിലൂടെ പ്രേക്ഷകര്‍ക്ക് പ്രിയങ്കരിയായി മാറിയ നടിയാണ് ഗ്രേസ് ആന്റണി. ചിത്രത്തില്‍ ഫഹ് ഫാസിലിന്റെ ഭാര്യയുടെ കഥാപാത്രമായിരുന്നു താരം അവതരിപ്പിച്ചത്.

തമാശ (2019), ഹലാല്‍ ലവ് സ്റ്റോറി (2020), സാജന്‍ ബേക്കറി (2021), റോഷാക്ക് (2022) തുടങ്ങിയ ചിത്രങ്ങളില്‍ നല്ല വേഷങ്ങള്‍ ചെയ്യാന്‍ ഗ്രേസിന് സാധിച്ചിട്ടുണ്ട്. 2020ല്‍ ക്‌നോളജ് എന്ന പേരില്‍ 15 മിനിറ്റ് ദൈര്‍ഘ്യമുള്ള ഒരു ഹ്രസ്വചിത്രം തിരക്കഥയെഴുതി സംവിധാനം ചെയ്തിട്ടുമുണ്ട്.

ഒരു ചിത്രത്തിന്റെ ഓഡീഷന് പോയപ്പോഴുള്ള അനുഭവം പറയുകയാണ് താരം. ഓഡീഷന് ചെന്നപ്പോള്‍ ഇഷ്ടമുള്ള കാര്യം അഭിനയിക്കാന്‍ പറഞ്ഞു. എന്നാല്‍ ഇത് ചെയ്ത് കൊണ്ടിരിക്കുമ്പോള്‍ ഓഡീഷന്‍ ചെയ്യുന്നയാള്‍ ഇത് നിര്‍ത്താന്‍ പറഞ്ഞു. എന്നിട്ട് എന്ത് ഡ്രമാറ്റിക്കാണ്, എന്ത് ഓവര്‍ ആണ് എന്നൊക്കെ പറഞ്ഞു. ഞാന്‍ കണ്ണൊക്കെ നിറഞ്ഞ് ഇറങ്ങിപ്പോയി. എന്നാല്‍ പിന്നീടാണ് അത് ഫേക്ക് ഓഡീഷനാണെന്ന് അറിഞ്ഞതെന്നും താരം പറയുന്നു.