പ്രധാനമന്ത്രിയുടെ കൂടെ വേദി പങ്കിട്ടതില്‍ അഭിമാനിക്കുന്നു: നവ്യ നായര്‍

വലിയ ട്രോളുകള്‍ക്ക് പരിഹാസങ്ങള്‍ക്കും ഇരയായിക്കൊണ്ടിരിക്കുകയാണ് നവ്യ നായര്‍. പ്രധാനമന്ത്രി നരേന്ദ്ര മോദി കൊച്ചിയില്‍ എത്തിയപ്പോള്‍ അദ്ദേഹത്തോടൊപ്പം വേദി പങ്കിട്ടു എന്നതായിരുന്നു ഇതിന് കാരണം. നവ്യയുടെ കൂടെ അപര്‍ണ ബാലമുരളിയും ഉണ്ടായിരുന്നു.

പ്രധാനമന്ത്രിക്കൊപ്പമുള്ള ചിത്രങ്ങള്‍ നവ്യ തന്നെ ഇന്‍സ്റ്റഗ്രാമില്‍ പങ്കുവെച്ചിട്ടുണ്ട്. എന്നാല്‍ വലിയ ട്രോളുകളാണ് ചിത്രത്തിന് താഴെ വരുന്നത്.

ഇപ്പോള്‍ ഇതിന് മറുപടി നല്‍കിയിരിക്കുകയാണ് താരം. ബഹുമാനപ്പെട്ട ഇന്ത്യന്‍ പ്രധാനമന്ത്രിയുമായി ഈ വേദി പങ്കിടാന്‍ സാധിച്ചതില്‍ അഭിമാനമുണ്ട് എന്നാണ് മോദിയെ ടാഗ് ചെയ്തുകൊണ്ട് നവ്യ കുറിച്ചത്.