കുന്നുമ്മേല്‍ ശാന്ത എന്ന വിളി ഇഷ്ടമാണ്: സോന നായര്‍

മോഹന്‍ലാലിന്റെ മാസ് സിനിമകളില്‍ ആരാധകര്‍ ഏറെ ഇഷ്ടപ്പെടുന്ന ചിത്രമാണ് ജോഷി സംവിധാനം ചെയ്ത നരന്‍. സോന നായരും ചിത്രത്തില്‍ ശക്തമായ കഥാപാത്രത്തെ അവതരിപ്പിക്കുന്നുണ്ട്. കുന്നുമ്മേല്‍ ശാന്ത എന്നാണ് സോന അവതരിപ്പിച്ച കഥാപാത്രത്തിന്റെ പേര്.

ഇപ്പോള്‍ ആ കഥാപാത്രത്തെക്കുറിച്ച് മനസ് തുറന്നിരിക്കുകയാണ് സോന നായര്‍. പുറത്തു പോകുമ്പോഴും സോഷ്യല്‍ മീഡിയയിലും എല്ലാവരും തന്നെ കുന്നുമ്മേല്‍ ശാന്തേ എന്ന് വിളിക്കാറുണ്ട്.

ഡിയര്‍ കന്നുമ്മേല്‍ ശാന്ത എന്ന് പോലും വിളിക്കുന്നവരുണ്ട്. എന്നാല്‍ ആ വിളി തനിക്ക് ഇഷ്ടമാണ്. താന്‍ ചെയ്തതില്‍ ഒരു നല്ല കഥാപാത്രം തന്നെയായിരുന്നു അതെന്നും താരം പറയുന്നു.