അഞ്ച് വര്‍ഷം കഴിഞ്ഞ് നാഷണല്‍ അവാര്‍ഡ്; ജോത്സ്യന്റെ പ്രവചനത്തെക്കുറിച്ച് ധ്യാന്‍

ആരാധകര്‍ക്ക് ഏറെ പ്രിയപ്പെട്ട താരകുടുംബമാണ് ശ്രീനിവാസന്റേത്. അച്ഛന്റെ പാത പിന്തുടര്‍ന്ന് മക്കളാണ് വിനീതും ധ്യാനും സിനിമാ രംഗത്ത് സജീവമാണ്. ശ്രീനിവാസനെപ്പോലെ തന്നെ സകലകലാവല്ലഭനാണ് വിനീത്. ഗായകന്‍, നടന്‍, സംവിധായകന്‍ എന്നീ നിലകളില്‍ എല്ലാം താരം കഴിവ് തെളിയിച്ച് കഴിഞ്ഞു.

ധ്യാന്‍ ശ്രീനിവാസനും ഒട്ടും മോശക്കാരനല്ല. ധ്യാനിന്റെ ഇന്റര്‍വ്യൂകളെല്ലാം വലിയ ഹിറ്റാകാറുണ്ട്. വലിയ രീതിയിലുള്ള പിന്തുണയാണ് ധ്യാനിന്റെ എല്ലാ ഇന്റര്‍വ്യൂകള്‍ക്കും കിട്ടാറ്. എല്ലാ കാര്യങ്ങളും ഒട്ടും മടികൂടാതെ ആരാധകര്‍ക്ക് മുന്നില്‍ തുറന്ന് പറയുന്ന പ്രകൃതമാണ് ധ്യാനിന്റേത്.

ഇപ്പോള്‍ ജോത്സ്യന്റെ പ്രവനത്തെക്കുറിച്ച് തുറന്ന് പറഞ്ഞിരിക്കുകയാണ് ധ്യാന്‍. അഞ്ച് കൊല്ലം കഴിഞ്ഞ് എനിക്ക് നാഷണല്‍ അവാര്‍ഡ് അല്ലെങ്കില്‍ സ്റ്റേറ്റ് അവാര്‍ഡ് കിട്ടുമെന്ന് ഒരു ജ്യോത്സ്യന്‍ പറഞ്ഞിട്ടുണ്ടെന്നാണ് വിഷുവിന് നല്‍കിയ ഒരു അഭിമുഖത്തില്‍ ധ്യാന്‍ പറഞ്ഞിരിക്കുന്നത്.