എന്നില്‍ ഒരു നടിയുണ്ടെന്ന് പറഞ്ഞത് അച്ഛനാണ്: ശ്രുതി ഹാസന്‍

ഉലക നായകന്‍ കമല്‍ ഹാസന്റെ മകളാണ് ശ്രുതി ഹാസന്‍. അദ്ദേഹത്തിന്റെ മകള്‍ എന്ന പേരില്‍ മാത്രമല്ല അഭിനയത്തിലൂടെ തെന്നിന്ത്യയില്‍ തന്റേതായ സ്ഥാനം നേടിയെടുക്കാനും താരത്തിന് സാധിച്ചു.

21-ാം വയസില്‍ തന്നെ താരം വീട് വിട്ട് ഇറങ്ങിയിരുന്നു. പിന്നീട് സ്വന്തമായിട്ടായിരുന്നു താമസം. ആ സമയത്ത് തന്നെ നല്ല സിനിമകളുടെ ഭാഗമാകാനും ശ്രുതിക്ക് സാധിച്ചു.

ഇപ്പോള്‍ അച്ഛനെക്കുറിച്ച് പറഞ്ഞിരിക്കുകയാണ് താരം. അച്ഛനാണ് എന്നില്‍ ഒരു നടിയുണ്ടെന്ന് പറഞ്ഞത്. അല്ലാതെ ഒരിക്കലും സിനിമയില്‍ വരാന്‍ ആഗ്രഹിച്ച ഒരാളായിരുന്നില്ല താന്‍. മ്യൂസിക്കിലായിരുന്നു താല്‍പ്പര്യം എന്നും ശ്രുതി പറയുന്നു.