സ്ത്രീ-പുരുഷ വേര്‍തിരിവില്‍ കുറച്ചു നാളായി ഞാന്‍ വിശ്വസിക്കുന്നില്ല: മഞ്ജു വാര്യര്‍

മലയാളികള്‍ക്ക് ഏറെ പ്രിയങ്കരിയായ താരമാണ് മഞ്ജു വാര്യര്‍. സിനിമയില്‍ നിന്നും ഇടവേള എടുത്തിരുന്നെങ്കിലും ഇപ്പോള്‍ വലിയ തിരിച്ചു വരവ് തന്നെയാണ് താരം നടത്തിയിരിക്കുന്നത്.

സാക്ഷ്യം എന്ന ചിത്രത്തിലൂടെ ബാലതാരമായിട്ടായിരുന്നു മഞ്ജുവിന്റെ സിനിമയിലേക്കുള്ള അരങ്ങേറ്റം.പിന്നീട് 18മത്തെ വയസ്സില്‍ സല്ലാപം (1996) എന്ന ചലച്ചിത്രത്തില്‍ നായികാ കഥാപാത്രത്തെ അവതരിപ്പിച്ച് ശ്രദ്ധേയയായി.

സ്ത്രീ-പുരുഷ വേര്‍തിരിവില്‍ കഴിഞ്ഞ കുറച്ച് നാളുകളായി താന്‍ വിശ്വസിക്കുന്നില്ല എന്നാണ് താരം പറഞ്ഞത്. ഒരു വനിതാ സംരംഭം ഉദ്ഘാടനം ചെയ്തുകൊണ്ടാണ് താരം ഇക്കാര്യം പറഞ്ഞത്. സ്ത്രീകള്‍ ആഗ്രഹിക്കുന്ന സക്‌സസ്ഫുള്‍ ആയിട്ടൊരു ജീവിതം ഉണ്ടാകട്ടെ. അങ്ങനെ വളര്‍ന്ന് സ്ത്രീപുരുഷ വേര്‍തിരിവില്ലാതെ മാറട്ടെ എന്നും മഞ്ജു പറയുന്നു.