മലയാളികളോട് പരിഭവം തോന്നിയിട്ടുള്ളത് ഇതിനാണ്; മനസ് തുറന്ന് സുരേഷ് ഗോപി

ആരാധകര്‍ക്ക് ഏറെ പ്രിയങ്കരനായ നടനാണ് സുരേഷ് ഗോപി. പൊലീസ് വേഷങ്ങള്‍ ചെയ്താണ് താരം ആരാധകരെ നേടിയെടുത്തത്. ഇടക്കാലത്ത് സിനിമയില്‍ നിന്നും വിട്ടു നിന്നെങ്കിലും ബിജെപിയിലൂടെ താരം രാഷ്ട്രീയതത്തില്‍ സജീവമായി.

1965ലെ ഓടയില്‍ നിന്ന് എന്ന സിനിമയില്‍ ബാലതാരമായി അഭിനയിച്ച സുരേഷ് ഗോപി 1986ല്‍ റിലീസായ ടി.പി.ബാലഗോപാലന്‍ എം.എ എന്ന സിനിമയിലൂടെ മലയാള ചലച്ചിത്ര രംഗത്ത് സജീവമായത്.

ഇപ്പോള്‍ മലയാളികളോട് തനിക്കുള്ള പരിഭവം പറഞ്ഞിരിക്കുകയാണ് താരം. താന്‍ തന്റെ കഴിവിന്റെ പരമാവധി എല്ലാവരെയും സഹായിക്കുന്ന ആളാണ്. എന്നിട്ടും പലപ്പോഴും കളിയാക്കലുകള്‍ക്ക് വിധേയമാകുകയും ചെയ്യുന്നുണ്ട്. ഇത്തരത്തിലുള്ള അനുഭവങ്ങള്‍ തനിക്ക് മലയാളികളോട് പരിഭവം തോന്നാന്‍ കാരണമായിട്ടുണ്ടെന്നാണ് താരം പറയുന്നത്.