ബിഗ് ബോസ് വീട്ടില്‍വെച്ച് തന്റെ പ്രണയം വെളിപ്പെടുത്തി ലച്ചു !

ബിഗ് ബോസിലെ ശക്തയായ മത്സരാര്‍ഥികളില്‍ ഒരാളാണ് ലച്ചു. സോഷ്യല്‍ മീഡിയയില്‍ സജീവ സാന്നിധ്യമായ താരത്തിന് ഏറെ ആരാധകര്‍ ഉണ്ട്. ലച്ചുവിനായി ആര്‍മികള്‍ ഇപ്പോള്‍ തന്നെ രൂപീകരിക്കപ്പെട്ടു കഴിഞ്ഞു. ബിഗ് ബോസ് വീട്ടില്‍ വെച്ച് ലച്ചു നടത്തിയ വെളിപ്പെടുത്തലാണ് ഇപ്പോള്‍ സോഷ്യല്‍ മീഡിയയില്‍ വൈറലായിരിക്കുന്നത്.

തന്റെ പ്രണയത്തെ കുറിച്ചാണ് ലച്ചു തുറന്നുപറഞ്ഞിരിക്കുന്നത്. കാമുകന്‍ സിനിമ മേഖലയില്‍ പ്രവര്‍ത്തിക്കുന്ന ആളാണെന്ന് ലെച്ചു പറയുന്നു. ബിഗ് ബോസ് ഹൗസില്‍ അഞ്ജുവിനോട് സംസാരിക്കുകയായിരുന്നു നടി.

രണ്ടുവര്‍ഷമായി പ്രണയമാണെന്നും പുള്ളിയൊരു സംവിധായകനും ഫോട്ടോഗ്രാഫറും ആണെന്നും ലെച്ചു പറഞ്ഞു. താന്‍ മുതിര്‍ന്ന ആളാണ് എന്നതിനാല്‍ തന്റെ ഇഷ്ടമാണ്. എങ്കിലും വീട്ടുകാരുടെ പിന്തുണ ഉണ്ടെന്നും ആള്‍ അടിപൊളി ആണെന്നും നടി കൂടി ചേര്‍ത്തു.