തെന്നിന്ത്യയില്‍ വലിയ വിജയമായ ചിത്രമാണ് അല്ലു അര്‍ജുന്‍ നായകനായി എത്തിയ പുഷ്പ : ദ റൈസ്. ചിത്രത്തിന്റെ രണ്ടാം ഭാഗത്തിനായുള്ള വര്‍ക്കുകള്‍ ഇപ്പോള്‍ നടക്കുകയാണ്. മലയാളി താരം ഫഹദ് ഫാസിലും പുഷ്പയില്‍ ശ്രദ്ധേയമായ വേഷം അവതരിപ്പിച്ചിരുന്നു.
പുഷ്പയിലെ ഗാനങ്ങളെല്ലാം സൂപ്പര്‍ഹിറ്റായിരുന്നു. രശ്മിക മന്ദാനയാണ് ചിത്രത്തില്‍ നായികയായി എത്തിയത്. സാമി സാമി എന്ന പാട്ടിന് രശ്മികയുടെ എനര്‍ജറ്റിന് ഡാന്‍സ് കൂടിയായപ്പോള്‍ അത് വലിയ ഓളമുണ്ടാക്കി. പല പൊതുപരിപാടികളിലും രശ്മിക സാമി സാമി ഡാന്‍സ് കളിച്ചിരുന്നു.
ഇപ്പോഴിതാ ഇനിയൊരു വേദിയിലും സാമി സാമി ചുവടുകള്‍ വെയ്ക്കില്ല എന്ന തീരുമാനം എടുത്തിരിക്കുകയാണ് രശ്മിക മന്ദാന. ആരാധകരുമായി ട്വിറ്ററില്‍ സംവാദിക്കുന്നതിനിടെയാണ് തന്റെ തീരുമാനത്തെ പറ്റി രശ്മിക പറഞ്ഞത്. രശ്മികയ്‌ക്കൊപ്പം സാമി സാമി എന്ന ഗാനത്തില്‍ നൃത്തം ചെയ്യാന്‍ ആഗ്രഹമുണ്ടെന്ന ആരാധകന്റെ താല്‍പര്യത്തിനാണ് താരം നിരാശപ്പെടുത്തുന്ന മറുപടി നല്‍കിയത്. ഇതിനോടകം കുറേ തവണ സാമി ഡാന്‍സ് കളിച്ചിട്ടുണ്ടെന്നും ഇനിയും കളിച്ചാല്‍ തനിക്ക് ഭാവിയില്‍ പുറംവേദന വരുമെന്നും രശ്മിക ആരാധകനോട് പറഞ്ഞു.
സൗബിന്‍ ഷാഹിറും നവ്യ നായരും പ്രധാന വേഷത്തില്‍…
ഡോക്യുമെന്ററി വിവാദത്തിനിടെ ഒരേ ചടങ്ങില്‍ പങ്കെടുത്ത് നയന്‍താരയും…
വിനായകന്‍ നായകനായി എത്തുന്ന പെരുന്നാള്‍ എന്ന ചിത്രത്തിലേക്ക്…
അജിത് കുമാര്‍ നായകനായി പുറത്തിറങ്ങാന്‍ ഇരിക്കുന്ന ചിത്രമായ…
നയന്‍താരയെ 'ലേഡി സൂപ്പര്‍സ്റ്റാര്‍' എന്നു വിശേഷിപ്പിച്ച നടി…