വീണ്ടും ഒരു പെണ്‍കുഞ്ഞിന്റെ അച്ഛനായി; സന്തോഷം അറിയിച്ച് പക്രു

മിമിക്രി വേദികളിലൂടെ മലയാളികള്‍ക്ക് ഏറെ പ്രിയങ്കരനായ നടനാണ് ഗിന്നസ് പക്രു. സിനിമകളിലൂടെയും സ്റ്റേജിലും താരം മലയാളികളെ എന്നും കുടുകുടാ ചിരിപ്പിച്ചു. ജീവിതത്തില്‍ ഒരുപാട് കഷ്ടപ്പാടുകള്‍ താരത്തിന് അനുഭവിക്കേണ്ടി വന്നിട്ടുണ്ട്.

അത്ഭുതദ്വീപ് എന്ന സിനിയാണ് ഗിന്നസ് പക്രുവിന് വലിയ ബ്രേക്ക് നല്‍കിയത്. പൊക്കമില്ലാതിരുന്നിട്ടും അതിലൂടെ നായകന്റെ തുല്യ പ്രധാന്യമുള്ള വേഷം ചെയ്യാന്‍ താരത്തിന് സാധിച്ചു.

ഇപ്പോള്‍ ഒരു പെണ്‍കുഞ്ഞിന്റെ കൂടെ അച്ഛനായതിന്റെ സന്തോഷമാണ് താരം അറിയിച്ചിരിക്കുന്നത്. മൂത്തമകള്‍ കുഞ്ഞിനെ എടുത്ത് നില്‍ക്കുന്ന ചിത്രം പങ്കുവെച്ചാണ് തന്റെ സന്തോഷം താരം ആരാധകരെ അറിയിച്ചിരിക്കുന്നത്.