രജനികാന്തിനൊപ്പമുള്ള ചിത്രം പങ്കുവെച്ച് അപര്‍ണ ബാലമുരളി

രജനികാന്തിനൊപ്പമുള്ള ചിത്രം പങ്കുവെച്ച് നടി അപര്‍ണ ബാലമുരളി. വിമാനത്തിനുള്ളില്‍ നിന്നുള്ള ചിത്രമാണ് താരം പങ്കുവെച്ചിരിക്കുന്നത്. ഫാന്‍ ഗേള്‍ മൊമന്റ് എന്നാണ് രജനിക്കൊപ്പമുള്ള ചിത്രം പങ്കുവെച്ച് അപര്‍ണ കുറിച്ചത്.

സുരരൈ പോട്ര് എന്ന ചിത്രത്തിലെ അഭിനയത്തിനു 2020 ലെ ദേശീയ അവാര്‍ഡ് വാങ്ങിയ താരമാണ് അപര്‍ണ. 1995 സെപ്റ്റംബര്‍ 11 ന് തൃശൂരിലാണ് അപര്‍ണയുടെ ജനനം. താരത്തിനു ഇപ്പോള്‍ 27 വയസ് കഴിഞ്ഞിട്ടേയുള്ളൂ.

നടി, പിന്നണി ഗായിക, നര്‍ത്തകി എന്നീ നിലകളിലെല്ലാം ശ്രദ്ധിക്കപ്പെട്ട അപര്‍ണ തന്റെ 18ാം വയസ്സിലാണ് അഭിനയ ലോകത്തേക്ക് എത്തിയത്. മലയാളത്തിനു പുറമെ തമിഴിലും താരം സജീവമാണ്.