സുബി കൈ പിടിച്ചിട്ട് എന്റെ അടുത്ത് ബൈ പറഞ്ഞു: ടിനി ടോം

ചിരികള്‍ ബാക്കിയാക്കി എല്ലാവരെയും വേദനിപ്പിച്ചു കൊണ്ടാണ് സുബി സുരേഷ് ഈ ലോകത്തോട് വിട പറഞ്ഞത്. കരള്‍ സംബന്ധമായ രോഗത്തെ തുടര്‍ന്നാണ് നടിയും അവതാരകയുമായ സുബി സുരേഷിന്റെ മരണം.

സുബിയുടെ എല്ലാ കാര്യങ്ങളിലും ഒരു സഹോദരനെപ്പോലെ ടിനി ടോം കൂടെ ഉണ്ടായിരുന്നു. മരണ വാര്‍ത്തപോലും പുറം ലോകം അറിഞ്ഞത് ടിനിയിലൂടെയായിരുന്നു. ഇപ്പോള്‍ അവരുടെ അവസാന നാളുകളെക്കുറിച്ച് മനസ് തുറന്നിരിക്കുകയാണ് ടിനി ടോം.

ആശുപത്രിയില്‍ അഡ്മിറ്റ് ചെയ്ത് 12-ാം ദിവസം ഒക്കെയാണ് ഞാന്‍ കാര്യങ്ങള്‍ അറിയുന്നത്. അതിനുശേഷം അവളുടെ ജീവന്‍ രക്ഷിക്കാന്‍ എല്ലാം ചെയ്തിരുന്നു. ഞാന്‍ ആശുപത്രിയില്‍ ചെന്നപ്പോള്‍ എന്റെ കൈ പിടിച്ച് അവള്‍ ബൈ പറഞ്ഞു എന്നും ടിനി ടോം പറയുന്നു.