ബസില്‍ ഇരുന്ന് അയാള്‍ സ്വയംഭോഗം ചെയ്യുകയായിരുന്നു; മോശം അനുഭവം തുറന്നുപറഞ്ഞ് അനശ്വര

ചെറുപ്പത്തില്‍ തനിക്കുണ്ടായ മോശം അനുഭവം തുറന്നുപറഞ്ഞ് നടി അനശ്വര രാജന്‍. അഞ്ചാം ക്ലാസില്‍ പഠിക്കുമ്പോള്‍ ബസില്‍ വെച്ചാണ് തനിക്ക് മോശം അനുഭവമുണ്ടായതെന്ന് അനശ്വര പറഞ്ഞു.

കുട്ടി ഫ്രോക്ക് ഒക്കെ ഇട്ട് സ്‌കൂളില്‍ പോകുന്ന പ്രായം. ബസില്‍ അധികം ആളുകളൊന്നും ഉണ്ടായിരുന്നില്ല. രണ്ട് മൂന്ന് പേര്‍ അവിടെ ഇവിടെയൊക്കെ ആയി ഇരിക്കുന്നുണ്ടായിരുന്നു. അതിനിടെ ഏതോ ഒരു പുള്ളി പുറകില്‍ വന്നിരുന്ന് പതിയെ വിളിക്കാന്‍ തുടങ്ങിയെന്ന് അനശ്വര പറയുന്നു.

പുറകില്‍നിന്ന് വിളികേട്ട് തിരഞ്ഞു നോക്കിയപ്പോള്‍ കാണുന്നത് അയാള്‍ സ്വയംഭോഗം ചെയ്യുന്നതാണ്. അന്ന് എനിക്ക് അറിയില്ലായിരുന്നു പുള്ളി എന്താണ് ചെയ്യുന്നതെന്ന് പോലും. അതിന് മുന്‍പ് എന്താണ് ഗുഡ് ടച്ച്, ബാഡ് ടച്ചെന്നുമൊക്കെ അമ്മ പറഞ്ഞ് തന്നിട്ടുണ്ടായിരുന്നു. എന്നാല്‍ ഇങ്ങനെയൊക്കെ ആളുകള്‍ ചെയ്യുമെന്നോ ഇതില്‍ സുഖം കണ്ടെത്തുമെന്നോ ഒന്നും തനിക്ക് അറിയില്ലായിരുന്നെന്നും അനശ്വര കൂട്ടിച്ചേര്‍ത്തു.