വനിതാ ദിനത്തില്‍ വീണ്ടും വിവാഹിതനായി ഷുക്കൂര്‍ വക്കീല്‍. ന്നാ താന്‍ കേസ് കൊട് എന്ന ചിത്രത്തിലൂടെ ശ്രദ്ധേയനായ ഷുക്കൂര്‍ വക്കീലിന്റെ രണ്ടാം വിവാഹ പ്രഖ്യാപനം നേരത്തെ സോഷ്യല്‍ മീഡിയയില്‍ ചര്‍ച്ചയായിരുന്നു. സ്‌പെഷ്യല്‍ മാര്യേജ് ആക്ട് പ്രകാരമാണ് ഷുക്കൂര്‍ വക്കീല്‍ വീണ്ടും വിവാഹിതനാകുന്നത്. ഹോസ്ദുര്‍ഗ് സബ് രജിസ്ട്രാര്‍ ഓഫീസില്‍ വെച്ചാണ് അഡ്വ.ഷുക്കൂറിന്റെയും ഭാര്യ പി.എ.ഷീനയുടെയും രണ്ടാം വിവാഹം. മക്കള്‍ക്കൊപ്പം സബ് രജിസ്ട്രാര്‍ ഓഫീസിലേക്ക് പുറപ്പെടുന്നതിന്റെ ചിത്രം ഷുക്കൂര്‍ വക്കീല്‍ ഫെയ്‌സ്ബുക്കില്‍ പങ്കുവെച്ചു.
1994 ഒക്ടോബര്‍ 6ന് മുസ്ലീം വ്യക്തിനിയമപ്രകാരം വിവാഹിതനായിരുന്നുവെങ്കിലും നിയമത്തിലെ വ്യവസ്ഥ പ്രകാരം പെണ്മക്കള്‍ക്ക് തന്റെ സ്വത്തിന്റെ പൂര്‍ണ്ണമായ അവകാശം ലഭിക്കില്ല എന്ന സാഹചര്യത്തിലാണ് സ്‌പെഷ്യല്‍ മാരേജ് ആക്ട് പ്രകാരം ഷുക്കൂര്‍ വക്കീല്‍ വീണ്ടും വിവാഹിതനാകുന്നത്.
ഭാര്യ ഷീനയുമായി 1994 ഒക്ടോബറില്‍ 1937ലെ മുസ്ലീം വ്യക്തിനിയമപ്രകാരമാണ് ഷുക്കൂര്‍ വക്കീല്‍ വിവാഹിതനായത്. ഈ നിയമത്തിലെ വ്യവസ്ഥ പ്രകാരം ദമ്പതികള്‍ക്ക് ആണ്മക്കള്‍ ഇല്ലെങ്കില്‍ സ്വത്തീന്റെ മൂന്നില്‍ രണ്ട് ഓഹരികള്‍ മാത്രമെ പെണ്മക്കള്‍ക്ക് ലഭിക്കുകയുള്ളു. ബാക്കി വരുന്ന ഒരു ഭാഗം ഓഹരി സഹോദരങ്ങള്‍ക്കായിരിക്കും ലഭിക്കുക. ഈ വ്യവസ്ഥ മറികടക്കുന്നതിനായാണ് സ്‌പെഷ്യല്‍ മാരേജ് ആക്ട് പ്രകാരം ഷുക്കൂര്‍ വക്കീല്‍ ഭാര്യ ഷീനയുമായി വനിതാദിനത്തില്‍ രണ്ടാമതും വിവാഹിതനാകുന്നത്.
ആരാധകര്‍ക്ക് ഏറെ പ്രിയങ്കരിയായ താരമാണ് അഹാന കൃഷ്ണ.…
ആരാധകര്‍ക്ക് ഏറെ പ്രിയങ്കരിയായ നടിയാണ് സാനിയ അയ്യപ്പന്‍.…
ബാലതാരമായെത്തി മലയാളി പ്രേക്ഷകരുടെ മനം കവര്‍ന്ന മഞ്ജിമ…
ആരാധകര്‍ക്കായി ഗ്ലാമറസ് ചിത്രങ്ങള്‍ പങ്കുവെച്ച് അനശ്രീ. ഇന്‍സ്റ്റഗ്രാമിലാണ്…
ആരാധകര്‍ക്കായി ഗ്ലാമറസ് ചിത്രങ്ങള്‍ പങ്കുവെച്ച് സംയുക്ത. ഇന്‍സ്റ്റഗ്രാമിലാണ്…
ആരാധകര്‍ക്കായി ഗ്ലാമറസ് ചിത്രങ്ങള്‍ പങ്കുവെച്ച് മഡോണ. ഇന്‍സ്റ്റഗ്രാമിലാണ്…