പ്രചരിക്കുന്ന പല വാര്‍ത്തകളും തെറ്റാണ്, ബാലയ്ക്ക് സംസാരിക്കാന്‍ ബുദ്ധിമുട്ടില്ലെന്ന് ഉണ്ണി മുകുന്ദന്‍

കരള്‍ രോഗം മൂര്‍ച്ഛിച്ചതിനെ തുടര്‍ന്ന് ആശുപത്രിയില്‍ പ്രവേശിപ്പിച്ചിരിക്കുന്ന ബാലയെക്കുറിച്ച് പ്രചരിക്കുന്ന പല വാര്‍ത്തകളും തെറ്റെന്ന് ഉണ്ണി മുകുന്ദന്‍. എല്ലാ ദേഷ്യവും മറന്ന് ബാലയെ കാണാന്‍ ഉണ്ണി മുകുന്ദന്‍ ആശുപത്രിയില്‍ എത്തിയിരുന്നു.

ഐസിയുവില്‍ കയറി ബാലയോട് സംസാരിച്ചു. ബാല പൂര്‍ണ ബോധവനാണ്. ഡോക്ടര്‍മാരുമായി സംസിച്ചിരുന്നു. ബാലക്ക് വേണ്ട എല്ലാ ചികിത്സയും നല്‍കുന്നുണ്ടെന്നും ഉണ്ണി മുകുന്ദന്‍ പറഞ്ഞു.

കരള്‍ സംബന്ധമായ രോഗത്തിനൊപ്പം ഹൃദയസംബന്ധമായ ചില ആരോഗ്യപ്രശ്‌നങ്ങള്‍ കൂടി ബാലയ്ക്കുണ്ട്. അമൃത സുരേഷും മകള്‍ പാപ്പുവും ബാലയെ കാണാന്‍ ആശുപത്രിയില്‍ എത്തിയിരുന്നു.