അമിതാഭ് ബച്ചന് ഷൂട്ടിങ്ങിനിടെ ഗുരുതര പരിക്ക്

അമിതാഭ് ബച്ചന് ഷൂട്ടിങ്ങിനിടെ ഗുരുതര പരിക്കേറ്റു. താരത്തിന്റെ വാരിയെല്ലുകള്‍ ഒടിഞ്ഞതായാണ് റിപ്പോര്‍ട്ട്. ആക്ഷന്‍ സീന്‍ ചിത്രീകരിക്കുന്നതിനിടയില്‍ ഹൈദരാബാദില്‍ വെച്ചാണ് താരത്തിന് അപകടം സംഭവിച്ചത്.

പരിക്കേറ്റ ഉടന്‍ താരത്തെ ഹൈദരാബാദിലെ ആശുപത്രിയിലേക്ക് മാറ്റി. പിന്നീട് വിദഗ്ധ ചികിത്സയ്ക്കായി മുംബൈയിലെ ജല്‍സയിലേക്ക് മാറ്റുകയായിരുന്നു. താരത്തിന് ശ്വാസമെടുക്കുമ്പോള്‍ വേദന ഉള്ളതായാണ് ലഭിക്കുന്ന റിപ്പോര്‍ട്ട്.

ബ്ലോഗിലൂടെ തന്റെ ആരോഗ്യ വിവരങ്ങള്‍ അമിതാഭ് ബച്ചന്‍ തന്നെ ആരാധകരെ അറിയിച്ചു. പരിക്കില്‍ നിന്ന് മുക്തമാകാന്‍ ആഴ്ചകളെടുക്കുമെന്നതിനാല്‍ ചിത്രത്തിന്റെ ഷൂട്ടിംഗ് റദ്ദാക്കേണ്ടി വന്നതായും താരം തന്റെ ബ്ലോഗില്‍ കുറിച്ചു.