ആ താരം എന്റെ പിന്നാലെയാണ്; പിന്തുണയ്ക്കുന്നത് സ്വന്തം ഭാര്യയും; ആരോപണവുമായി കങ്കണ

ബോളിവുഡില്‍ ഏവര്‍ക്കും പ്രിയങ്കരിയായ നടിയാണ് കങ്കണ റണാവത്ത്. സോഷ്യല്‍ മീഡിയയില്‍ ഏറെ സജീവമാണ് താരം. എന്നും ആരധകര്‍ക്കായി ചിത്രങ്ങള്‍ പങ്കുവെക്കാറുണ്ട്.

വിവാദങ്ങളുടെ തോഴി കൂടിയാമ് കങ്കണ. ബോളിവുഡ് നടന്മാര്‍ക്കെതിരെ ഗുരുതര ആരോപണങ്ങള്‍ താരം ഉന്നയിച്ചിട്ടുണ്ട്. ഇപ്പോള്‍ ഒരു താരം തന്നെ പിന്തുടരുന്നു എന്നാണ് കങ്കണ പറയുന്നത്.

കെട്ടിടത്തിന്റെ പാര്‍ക്കിങ്ങിലും വീടിന്റെ ടെറസിലുമെല്ലാം താന്‍ നിരീക്ഷിക്കപ്പെട്ടുകൊണ്ടിരിക്കുകയാണെന്ന് കങ്കണ ഫേസ്ബുക്ക് പോസ്റ്റില്‍ ആരോപിക്കുന്നത്. ബോളിവുഡിലെ അറിയപ്പെടുന്ന പെണ്ണുപിടിയനാണ് ഇയാളെന്നും ഭാര്യയുടെ പിന്തുണയും ഇയാള്‍ക്കുണ്ടെന്നുമാണ് കങ്കണ പറയുന്നു. തന്നെപ്പോലെ നിര്‍മ്മാതാവാകാനും വസ്ത്രം ധരിക്കാനുമെല്ലാം ഇയാള്‍ ഭാര്യയെ നിര്‍ബന്ധിക്കുകയാണെന്നും കങ്കണ പറഞ്ഞു.