latest news
വിജയ് ചിത്രത്തിലൂടെ തമിഴില്‍ അരങ്ങേറ്റം കുറിക്കാന്‍ മാത്യു തോമസ്; ദളപതി 67 ല്‍ വന്‍ താരനിര
സൂപ്പര്‍താരം വിജയ് നായകനായി എത്തുന്ന ലോകേഷ് കനകരാജ് ചിത്രമാണ് സോഷ്യല്‍ മീഡിയയിലെ ചര്‍ച്ചാവിഷയം. ദളപതി 67 എന്നാണ് ചിത്രത്തിന്റെ പേര്. വമ്പന്‍ താരനിരയാണ് ചിത്രത്തില്‍ അണിനിരക്കുന്നത്. തൃഷയാണ് ചിത്രത്തില്‍ നായികയായി എത്തുന്നത്.
സഞ്ജയ് ദത്ത്, അര്‍ജുന്‍, പ്രിയ ആനന്ദ്, മിഷ്‌കിന്‍, ഗൗതം മേനോന്‍, മണ്‍സൂര്‍ അലി ഖാന്‍ എന്നിവര്‍ക്ക് പുറമേ മലയാളത്തില്‍ നിന്ന് മാത്യു തോമസും ചിത്രത്തില്‍ പ്രധാന കഥാപാത്രമായി എത്തുന്നു. മാത്യു തോമസിന്റെ ആദ്യ തമിഴ് ചിത്രം കൂടിയാണ് ദളപതി 67.
തണ്ണീര്‍മത്തന്‍ ദിനങ്ങള്‍, കുമ്പളങ്ങി നൈറ്റ്‌സ്, ജോ ആന്റ് ജോ എന്നീ ചിത്രങ്ങളിലൂടെ ശ്രദ്ധേയനായ താരമാണ് മാത്യു. തമിഴ് സിനിമയില്‍ തനിക്ക് ഇതിനേക്കാള്‍ മികച്ച അരങ്ങേറ്റം സ്വപ്‌നം കാണാനാകില്ലെന്നാണ് മാത്യു കുറിച്ചത്.
മാത്യു തോമസിന്റെതായി ഇനി റിലീസ് ആവാന്‍ ഇരിക്കുന്ന ചിത്രമാണ് ‘ക്രിസ്റ്റി ‘ ഫെബ്രുവരി 17 ന് ആണ് ചിത്രം റിലീസ് ചെയ്യുന്നത്.
