സിഗരറ്റിന് അടിമയായിരുന്നു; ദുശീലത്തെ കുറിച്ച് രജനികാന്ത്

തന്റെ ദുശീലങ്ങളെ കുറിച്ച് മനസ്സുതുറന്ന് സൂപ്പര്‍താരം രജനികാന്ത്. സിഗരറ്റ് വലിച്ചതിനൊന്നും കണക്കില്ലെന്നും തന്നെ അച്ചടക്കം പഠിപ്പിച്ചത് ഭാര്യ ലതയാണെന്നും രജനികാന്ത് പറഞ്ഞു. തന്റെ അച്ചടക്കമില്ലാത്ത ജീവിതത്തെ കുറിച്ചുള്ള രജനിയുടെ പ്രസംഗ വീഡിയോയാണ് സോഷ്യല്‍ മീഡിയയില്‍ വൈറലായിരിക്കുന്നത്.

ഇപ്പോഴും ആരോഗ്യത്തോടെയിരിക്കുന്നതിനു കാരണം തന്റെ ഭാര്യയാണെന്ന് രജനി പറഞ്ഞു. ചെന്നൈയില്‍ ഒരു കുടുംബസംഗമത്തില്‍ സംസാരിക്കുകയായിരുന്നു രജനി. കണ്ടക്ടറായിരിക്കുമ്പോഴേ ദിവസത്തില്‍ രണ്ടുനേരം ഇറച്ചി കഴിക്കും. ഒരുപാട് വലിക്കുകയും കുടിക്കുകയും ചെയ്യുമായിരുന്നു. എത്ര സി?ഗരറ്റ് പാക്കറ്റുകള്‍ വലിച്ച് തള്ളാറുണ്ടായിരുന്നെന്ന് അറിയില്ലായിരുന്നെന്നും രജനി പറഞ്ഞു.

വെജിറ്റേറിയന്‍ ഭക്ഷണം കഴിക്കുന്നവരെ കണ്ടാല്‍ പാവം തോന്നുമായിരുന്നു. മദ്യം, സിഗരറ്റ്, മാംസഭക്ഷണം എന്നിവ ഒരു മാരക കോമ്പിനേഷനാണ്. ഇത് മൂന്നും താന്‍ കുറേ അനുഭവിച്ചിട്ടുണ്ടെന്നും രജനി പറഞ്ഞു.