Vidya Balan
ബോളിവുഡില്‍ വളരെ ബോള്‍ഡ് ആയി അഭിപ്രായങ്ങള്‍ തുറന്നുപറയുന്ന താരമാണ് വിദ്യ ബാലന്‍. തന്റെ നിലപാടുകള്‍ പരസ്യമായി പറയാന്‍ വിദ്യ ബാലന്‍ ഒരിക്കലും മടി കാണിക്കാറില്ല. സെക്‌സിനെ കുറിച്ച് താരം പറഞ്ഞ വാക്കുകളാണ് ഇപ്പോള്‍ സോഷ്യല്‍ മീഡിയയില്‍ വൈറലായിരിക്കുന്നത്. സെക്‌സ് തനിക്ക് വിശപ്പും വികാരവുമാണെന്ന് വിദ്യ ബാലന്‍ പറയുന്നു. അതിനെ കുറിച്ച് തുറന്നുപറയാന്‍ എന്തിനാണ് മടിക്കുന്നതെന്നും വിദ്യ ചോദിക്കുന്നു.
ദാമ്പത്യത്തിലൂടെ മാത്രമേ സെക്‌സില്‍ ഇടപെടാവൂ എന്നും സെക്‌സ് കുട്ടികള്‍ക്ക് ജന്മം നല്‍കാനുള്ള പ്രക്രിയ മാത്രമാണെന്നുമാണ് ഇന്ത്യന്‍ സംസ്‌കാരം അനുശാസിക്കുന്നത്. ആ ചിന്താഗതി നമ്മുടെ ലൈംഗിക ഉത്തേജനത്തേയും ഇണ ചേരുമ്പോഴുള്ള പരമാനന്ദത്തേയും തടസപ്പെടുത്തുകയല്ലേ? ഒരു സമ്പൂര്‍ണ ലൈംഗിക ആസ്വാദനം നഷ്ടപ്പെടുത്തുകയല്ലേ ഇവിടെ ചെയ്യുന്നത് – വിദ്യ ബാലന്‍ ചോദിച്ചു.
ഇന്ത്യയില്‍ സെക്‌സിനെ കുറിച്ച് പരസ്യമായി സംസാരിക്കുന്ന പ്രവണതയില്ല. അതൊരു തമാശയായിട്ടാണ് എനിക്ക് തോന്നുന്നത്. സെക്‌സിന് വേണ്ടത്ര പ്രാധാന്യം നമ്മള്‍ കൊടുക്കുന്നില്ല. സെക്‌സ് മക്കളെ ഉത്പാദിപ്പിക്കാനുള്ള കര്‍മ്മം മാത്രമാണെന്നും അതൊക്കെ ദാമ്പത്യ ബന്ധത്തിലൂടെ മാത്രമേ പറ്റൂ എന്നും നമ്മള്‍ വിചാരിക്കുന്നു. സെക്‌സിനെ കുറിച്ചുള്ള മിഥ്യാബോധം ഉപേക്ഷിക്കണം. കുട്ടികള്‍ക്ക് സെക്‌സിനെ കുറിച്ച് മാതാപിതാക്കള്‍ പറഞ്ഞു കൊടുക്കണമെന്നും വിദ്യാ ബാലന്‍ കൂട്ടിച്ചേര്‍ത്തു.
സൗബിന്‍ ഷാഹിറും നവ്യ നായരും പ്രധാന വേഷത്തില്‍…
ഡോക്യുമെന്ററി വിവാദത്തിനിടെ ഒരേ ചടങ്ങില്‍ പങ്കെടുത്ത് നയന്‍താരയും…
വിനായകന്‍ നായകനായി എത്തുന്ന പെരുന്നാള്‍ എന്ന ചിത്രത്തിലേക്ക്…
അജിത് കുമാര്‍ നായകനായി പുറത്തിറങ്ങാന്‍ ഇരിക്കുന്ന ചിത്രമായ…
നയന്‍താരയെ 'ലേഡി സൂപ്പര്‍സ്റ്റാര്‍' എന്നു വിശേഷിപ്പിച്ച നടി…