ശരിക്കും ‘ഗോള്‍ഡ്’ വരുന്നു; ആരാധകരെ ശാന്തരാകുവിന്‍ !

പൃഥ്വിരാജ്, നയന്‍താര എന്നിവരെ കേന്ദ്ര കഥാപാത്രങ്ങളാക്കി അല്‍ഫോണ്‍സ് പുത്രന്‍ സംവിധാനം ചെയ്യുന്ന ഗോള്‍ഡ് തിയറ്ററുകളിലേക്ക്. റിലീസുമായി ബന്ധപ്പെട്ട അനിശ്ചിതത്വങ്ങള്‍ക്ക് ഒടുവിലാണ് ഗോള്‍ഡ് പ്രേക്ഷകരിലേക്ക് എത്തുന്നത്.

ഡിസംബര്‍ ഒന്നിന് ചിത്രം തിയറ്ററുകളിലെത്തും. സിനിമയ്ക്ക് യു സെര്‍ട്ടിഫിക്കറ്റ് ലഭിച്ചു. ഓണ്‍ലൈന്‍ ടിക്കറ്റ് വില്‍പ്പന ആരംഭിച്ചിട്ടുണ്ട്.

‘പ്രേമ’ത്തിനുശേഷം അല്‍ഫോണ്‍സ് പുത്രന്‍ സംവിധാനം ചെയ്യുന്ന ചിത്രമാണ് ഗോള്‍ഡ്. മാര്‍ച്ചിലാണ് സിനിമയുടെ ആദ്യ ടീസര്‍ പുറത്തിറങ്ങുന്നത്. ഈ ഓണത്തിന് ചിത്രം തിയേറ്ററുകളിലെത്തുമെന്ന് പ്രഖ്യാപിച്ചിരുന്നെങ്കിലും ഓരോ കാരണങ്ങളാല്‍ റിലീസ് നീട്ടുകയായിരുന്നു.