ഷാരൂഖ് ഖാനെ വിമാനത്താവളത്തില്‍ തടഞ്ഞു; ബാഗില്‍ നിന്ന് കിട്ടിയത് ഇതെല്ലാം !

ബോളിവുഡ് താരം ഷാരൂഖ് ഖാനേയും സംഘത്തേയും മുംബൈ വിമാനത്താവളത്തില്‍ തടഞ്ഞുവെച്ചു. കഴിഞ്ഞ ദിവസം രാത്രിയാണ് സംഭവം. ഷാര്‍ജ പുസ്തകോത്സവത്തില്‍ പങ്കെടുത്ത് സ്വകാര്യ ജെറ്റിലാണ് മുംബൈ വിമാനത്താവളത്തില്‍ ഷാരൂഖ് വന്നിറങ്ങിയത്. അതിനു പിന്നാലെയാണ് താരത്തെ കസ്റ്റംസ് തടഞ്ഞത്.

ഷാരൂഖ് ഖാനൊപ്പം ഉണ്ടായിരുന്നവരുടെ ബാഗില്‍ നിന്ന് വില കൂടിയ ആഡംബര വാച്ചുകള്‍ കണ്ടെത്തിയതോടെയാണ് കസ്റ്റംസ് നടനേയും സംഘത്തേയും തടഞ്ഞുവെച്ചത്. 18 ലക്ഷം രൂപയോളം വില വരുന്ന വാച്ചുകളാണ് പിടിച്ചെടുത്തത്. കസ്റ്റംസ് ഡ്യൂട്ടി ഇനത്തില്‍ 6.83 ലക്ഷം രൂപ അടച്ചതിനു പിന്നാലെ ഷാരൂഖിനേയും മാനേജരേയും രാത്രി തന്നെ വിട്ടയച്ചു.

അതേസമയം, ഷാരൂഖിന്റെ അംഗരക്ഷകരുള്‍പ്പെടെയുള്ളവരെ ചോദ്യം ചെയ്യുന്നതിനായി രാത്രിയിലും കസ്റ്റംസ് തടഞ്ഞുനിര്‍ത്തിയെന്നും ഇന്ന് രാവിലെയാണ് ഇവരെ പോകാന്‍ അനുവദിച്ചതെന്നും റിപ്പോര്‍ട്ടുകളുണ്ട്.