വേര്‍പിരിയലില്‍ മൂന്നാമതൊരാളായിരിക്കും യഥാര്‍ത്ഥ വില്ലന്‍: വീണ നായര്‍

നടിയായും നര്‍ത്തകി എന്ന നിലയിലും കഴിവെ തെളിയിച്ച താരമാണ് വീണ നായര്‍. താരവും ഭര്‍ത്താവും അമാനും വേര്‍പിരിഞ്ഞു എന്ന തരത്തിലുള്ള വാര്‍ത്തകള്‍ ഈയടുത്താണ് പുറത്തുവന്നത്. അകന്ന് താമസിക്കുകയാണെങ്കിലും തങ്ങള്‍ വിവാഹമോചിതരായിട്ടില്ല എന്ന് വീണ നായര്‍ വ്യക്തമാക്കിയിരുന്നു.

ഇപ്പോള്‍ വീണ സോഷ്യല്‍ മീഡിയയില്‍ പങ്കുവെച്ച പോസ്റ്റാണ് ഏറെ വൈറലായിരിക്കുന്നത്. ‘രണ്ടുപേര്‍ തമ്മിലുള്ള തെറ്റിദ്ധാരണകള്‍ തന്നെയാവണം എപ്പോഴും വേര്‍പിരിയാന്‍ കാരണം എന്നില്ല. ചിലപ്പോള്‍ എവിടെയോ ഒളിച്ചിരിക്കുന്ന മൂന്നാമതൊരാള്‍ ആയിരിക്കും യഥാര്‍ത്ഥ വില്ലന്‍’ എ്ന്നാണ് വീണ പോസ്റ്റില്‍ പറയുന്നത്.

ബിഗ് ബോസ് സീസണിലും മികച്ച പ്രകടനം കാഴ്ച വെക്കാന്‍ വീണയ്ക്ക് സാധിച്ചിരുന്നു. സിനിമയിലും നല്ല വേഷങ്ങള്‍ വീണ ചെയ്തിട്ടുണ്ട്.