സിനിമയിലെ ദുരനുഭവം തുറന്നുപറഞ്ഞ് സംവിധായകന്‍ റോഷന്‍ ആന്‍ഡ്രൂസ്. ലോകത്തിലെ ഏറ്റവും കൂടുതല്‍ കൂവല്‍ കിട്ടിയ സംവിധായകന്‍ ആരാണെന്ന് ചോദിച്ചാല്‍ അത് താനാണെന്ന് റോഷന്‍ ആന്‍ഡ്രൂസ് പറഞ്ഞു. നോട്ട് ബുക്ക് എന്ന സിനിമ റിലീസ് ചെയ്ത ശേഷമാണ് അതെന്നും റോഷന്‍ പറയുന്നു. ഒരു മാധ്യമത്തിനു നല്‍കിയ അഭിമുഖത്തില്‍ സംസാരിക്കുകയായിരുന്നു അദ്ദേഹം.
‘ ഇത്രയും കൂവല്‍ കിട്ടിയ സംവിധായകന്‍ ഇനി ലോകത്ത് ഇല്ല. കാരണം ഉദയനാണ് താരം കഴിഞ്ഞിട്ട് ഞാന്‍ നോട്ട് ബുക്ക് ചെയ്ത സമയം. സിനിമ കാണാന്‍ ഞാന്‍ കവിത തിയറ്ററില്‍ എല്ലാവരും കൂടി പോയ സമയം. അപ്പോള്‍ എന്റെ ഭാര്യ ഭര്‍ഭിണിയാണ്. അന്ന് പടത്തിന്റെ ടൈറ്റില്‍ തൊട്ട് കൂവല്‍ ആണ്. സിനിമയുടെ ടൈറ്റിലില്‍ കൂവുന്നത് എന്തിനാണെന്ന് ഇപ്പോഴും എനിക്ക് പിടിത്തം കിട്ടിയിട്ടില്ല. പടം തീരുന്നതുവരെ കൂവല്‍ ആണ്. പടം കഴിഞ്ഞപ്പോള്‍ പടം പൊട്ടി തകര്‍ന്നു എന്ന രീതിയില്‍ ആയിരുന്നു. അന്ന് രാത്രി തീരുമാനിച്ചു, ഈ സിനിമ എന്ന പരിപാടി നിര്‍ത്താമെന്ന്. പിറ്റേന്ന് എനിക്ക് തോന്നി ഞാന്‍ എന്തോ നല്ലത് ചെയ്തു എന്ന്. കാരണം പിറ്റേന്ന് എനിക്ക് ആദ്യം വന്ന കോള്‍ പൃഥ്വിരാജിന്റെ ആണ്. രാജു വിളിച്ചിട്ട് പറഞ്ഞു ഈ സിനിമ ഗംഭീരമാകുമെന്ന്. അത് വലിയൊരു ഉണര്‍വായിരുന്നു എനിക്ക്. സംവിധായകന്‍ രഞ്ജിത്തേട്ടന്‍ വിളിച്ച് വേറിട്ട സിനിമയാണെന്ന് പറഞ്ഞു. സത്യന്‍ സാറ്, ജയരാജ്..അങ്ങനെ പല പല സംവിധായകര്‍ വിളിക്കാന്‍ തുടങ്ങി. ആ സിനിമ 150 ദിവസം ഓടി കേരളത്തില്‍,’ റോഷന്‍ ആന്‍ഡ്രൂസ് പറഞ്ഞു.
Roshan Andrews
സിനിമ നിരൂപണങ്ങള്‍ക്കെതിരെയും റോഷന്‍ ആന്‍ഡ്രൂസ് രംഗത്തെത്തി. ഫസ്റ്റ് ഹാഫ് കഴിയുമ്പോള്‍ തന്നെ ഇപ്പോള്‍ റിവ്യു എടുക്കുകയാണെന്നും കുറച്ച് കഴിഞ്ഞാല്‍ തിയറ്ററിനുള്ളില്‍ കയറി റിവ്യു എടുക്കുമെന്നും റോഷന്‍ ആന്‍ഡ്രൂസ് പറഞ്ഞു.
ആരാധകര്‍ക്ക് ഏറെ പ്രിയങ്കരിയായ നടിയാണ് ശരണ്യ ആനന്ദ്.…
മിനിസ്‌ക്രീന്‍ പ്രേക്ഷകര്‍ക്ക് സുപരിചിതയാണ് ശ്രീവിദ്യ. ഫ്‌ലവേഴ്‌സിലെ സ്റ്റാര്‍…
ടെലിവിഷന്‍ അവതാരക, അഭിനയേത്രി എന്നീ നിലകളിലെല്ലാം എല്ലാവര്‍ക്കും…
ആരാധകര്‍ക്ക് ഏറെ പ്രിയങ്കരിയായ അവതാരികയാണ് ലക്ഷ്മി നക്ഷത്ര.…
പ്രേക്ഷകര്‍ക്ക് ഏറെ പ്രിയങ്കരിയായ നടിയാണ് സ്വാസിക. താരത്തിന്റെ…
ആരാധകര്‍ക്കായി പുതിയ ചിത്രങ്ങള്‍ പങ്കുവെച്ച് മിയ. ഇന്‍സ്റ്റഗ്രാമിലാണ്…