കേരളത്തിലെ പ്രളയം സിനിമയാകുന്നു; വമ്പന്‍ താരനിര, കാത്തിരിക്കുന്ന അനൗണ്‍സ്‌മെന്റ് ഇതാ

കേരളത്തിലെ പ്രളയം പ്രമേയമാക്കി ഒരു സിനിമ വരുന്നതായി നേരത്തെ റിപ്പോര്‍ട്ടുകളുണ്ടായിരുന്നു. പിന്നീട് ആ പ്രൊജക്ടുമായി ബന്ധപ്പെട്ട് നിരവധി സാങ്കേതിക പ്രശ്‌നങ്ങളുണ്ടായി. ഇപ്പോള്‍ ഇതാ ആരാധകര്‍ ഏറെ കാത്തിരിക്കുന്ന ഈ ചിത്രത്തിന്റെ ഔദ്യോഗിക പ്രഖ്യാപനം നാളെ വരുന്നു.

ജൂഡ് ആന്റണിയാണ് ഈ ചിത്രം സംവിധാനം ചെയ്യുന്നത്. വന്‍ താരനിരയാണ് ചിത്രത്തില്‍ അണിനിരക്കുക. കുഞ്ചാക്കോ ബോബന്‍, ആസിഫ് അലി, ടൊവിനോ തോമസ്, വിനീത് ശ്രീനിവാസന്‍, നിഖില വിമല്‍, അപര്‍ണ ബാലമുരളി എന്നിവരാണ് ചിത്രത്തില്‍ ശ്രദ്ധേയമായ വേഷങ്ങള്‍ അവതരിപ്പിക്കുന്നതെന്നാണ് റിപ്പോര്‍ട്ട്.

സിനിമയെ കുറിച്ചുള്ള പ്രധാനപ്പെട്ട പ്രഖ്യാപനം നാളെ ഫഹദ് ഫാസിലും പൃഥ്വിരാജും ചേര്‍ന്ന് നടത്തും. കാവ്യ ഫിലിംസിന്റെ ബാനറില്‍ വേണു കുന്നപ്പിള്ളിയാണ് ചിത്രം നിര്‍മിക്കുന്നത്.